1238 ræður Þórð Grétar í starf sérfræðings í stafrænni miðlun
Þórður Grétar Árnason hefur verið ráðinn í starf sérfræðings í stafrænni miðlun hjá sýndarveruleikasýningunni 1238 - Baráttan um Ísland. Þórður hefur diplómu í margmiðlun frá Tækniskóla Íslands og mun sinna daglegri umsjón allra tæknikerfa og taka þátt í fjölbreyttum þróunarverkefnum fyrirtækisins á sviði stafrænnar miðlunar menningararfsins.
„Ég er menntaður margmiðlunarfræðingur en hef unnið við sjómennsku síðustu fimm ár þar sem ekki var að finna vinnu sem hæfir minni menntun hér á Sauðárkróki,“ segir Þórður í samtali við Feyki en hann býr með unnustu sinni, Lovísu Hlynsdóttur og þremur börnum þeirra á Króknum. „Það var algjör lukka að tengdamóðir mín benti mér á starfsauglýsinguna, og hvatti mig til að sækja um ekki seinna en núna. Ég sá strax að starfslýsingin hentaði minni menntun og áhugasviði.“
Á heimasíðu 1238 segir að sögusetrið sé gagnvirk og alltumlykjandi sýning sem færir sýningargesti mun nær sögulegum stóratburðum en hefðbundnar fræðslusýningar: „Með hjálp nýjustu tækni í miðlun og sýndarveruleika bjóðum við þér að taka þátt í átakamestu atburðum Íslandssögunnar og beinlínis stíga inn í sögu Sturlungaaldar.“
Þórður segist mjög spenntur fyrir framtíðinni í starfinu og vill nýta tækifærið og þakka starfsfólki 1238 kærlega fyrir hlýjar móttökur.
Fleiri fréttir
-
Tvö uppáhaldsliðin að mætast í úrslitum
feykir.is Skagafjörður, Íþróttir, Lokað efni 14.05.2025 kl. 09.40Rakel Rós Ágústsdóttir er fædd og uppalin á Sauðárkróki og má kannski segja að hún komi úr fremar rótgróinni körfuboltafjölskyldu. Hún, bræður og systir körfubolta-spilandi og síðan er hún gift Baldri Þór Ragnarssyni og á með honum soninn Ragnar Thor. Fyrir þá sem ekki vita er Baldur, maður Rakelar, þjálfari Stjörnunnar í meistaradeild karla í körfubolta sem etur nú kappi við Tindastól í úrslitum bónusdeildarinnar í körfubolta. Þriðji leikurinn í seríunni fer einmitt fram í Síkinu í kvöld og hefst á slaginu 19:15.Meira -
Hollvinasamtök Heilbrigðisstofnunar Hvammstanga hélt aðalfund
feykir.is Vestur-Húnavatnssýsla, Mannlíf, Lokað efni 14.05.2025 kl. 08.38Aðalfundur Hollvinasamtaka Heilbrigðisstofnunar Hvammstanga var haldinn þann 5. maí sl. Í tilkynningu frá samtökunum segir að á þeim 19 árum síðan samtökin voru stofnuð hafi þau afhent stofnuninni gjafir að upphæð kr. 51.280.000 sem á núvirði eru líklega í kringum 80 milljónir.Meira -
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira
