Á fæðingardeildina eftir leik
Eftir mikinn spennuleik Tindastóls og KR í bikarnum í gærkvöldi á Sauðárkróki, renndi Helgi Rafn Viggósson leikmaður Tindastóls til Akureyrar með sambýliskonu sína þar sem hún ól honum dreng um klukkan 4 í nótt.
Helgi segir að öllum líði vel og mikil hamingja sé á bænum, drengurinn sé myndarlegur enda líkur móður sinni, Hrafnhildi Guðnadóttur, Rabbý. Mældist hann 15 merkur að þyngd og 53cm á lengd. Helgi segist hafa beðið Rabbý að halda í sér þangað til eftir leik og hún hafi hlustað á hann í þetta skiptið.
Leikurinn var hörku spennandi eins og vænta mátti og segir Helgi að allir hafi komið með réttu hugarfari og byrjað strax í fyrsta leikhluta að berjast. Hann er ánægður með innkomu hins nýja Igors í liðið og á von á því að hann verði því drjúgur í vetur enda sé ætlunin að ljúka vetrinum með stæl.
Helgi hvetur svo alla til að fjölmenna í Laugardalshöllina 18. febrúar þar sem Tindastóll mætir Keflavík í úrslitaleiknum og vill hann sjá a.m.k. 500 manns á bandi Tindastóls í stúkunni og lofar hann öðrum tölum en þegar þessi lið áttust við síðast.
Feykir óskar nýbökuðum foreldrum til hamingju með verðandi körfuboltamann.
Fleiri fréttir
-
Húnvetnskir dansarar stóðu sig með prýði
feykir.is Austur-Húnavatnssýsla, Listir og menning, Lokað efni 05.07.2025 kl. 22.50Feykir sagði í gær frá ferðalagi húnvetnskra ungmenna á Heimsmeistaramótið í dansi sem fram fer á Spáni. Hópurinn sem er skipaður krökkum frá Húnaþingi vestra og Húnabyggð steig á svið upp úr kl. 4 í dag og stóð sig aldeilis prýðilega þá frammistaðan hafi ekki skilað hópnum verðlaunasæti.Meira -
Karamella borðaði allt halloween nammið | Ég og gæludýrið mitt
feykir.is Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 05.07.2025 kl. 14.48Í Feyki sem kom út í byrjun mars svaraði Natan Nói Einarsson sem býr á Skagaströnd gæludýraþættinum og segir okkur hér frá hundunum sínum en hann á samt fullt af dýrum, bæði dýrum sem fá að vera inni hjá þeim og svo þessi ekta íslensku sveitadýr. Foreldrar Natans eru þau Einar Haukur Arason og Sigurbjörg Írena Ragnheiðardóttir en svo á Natan sex systkini þannig að það er nóg að gera á þessu heimili.Meira -
Heimsmeistarinn í Byrðuhlaupi skorar á aðra hlaupara að taka þátt að ári
feykir.is Skagafjörður, Íþróttir, Mannlíf, Lokað efni 05.07.2025 kl. 12.31Byrðuhlaupið fór fram í Hjaltadal 17. júní síðastliðinn. Það var Christian Klopsch sem stóð uppi sem sigurvegar og bætti heimsmetið í leiðinni. Christian er 33 ára gamall doktorsnemi við ferðamáladeild Háskólans á Hólum og Háskóla Íslands. Hann flutti 2022 til Hóla og hefur langað að taka þátt í Byrðuhlaupi síðustu ár en var aldrei heima – þar til nú. Þannig að í Byrðuhlaupinu 2025 kom Christian, sá og sigraði. Katharina Sommermeier, formaður Umf. Hjalta sem stendur fyrir hlaupinu, spjallaði við Christian fyrir Feyki.Meira -
Dagskrá Húnavöku 2025 er orðin opinber
feykir.is Austur-Húnavatnssýsla, Listir og menning, Mannlíf, Lokað efni 05.07.2025 kl. 12.29Það styttist óðfluga í bæjarhátíð Húnabyggðar, Húnavöku, sem verður á Blönduósi dagana 16.-20. júlí. Að venju er mikið lagt í hátíðina, dagskráin fjölbreytt og viðamikil en að venju er laugardagurinn sneisafullur af alls konar. Þar má nefna torfærukeppni, froðurennibraut, markað, fjölskylduskemmtun, knattspyrnuleik, kótilettukvöld, tónleika og uppistand, brekkusöng og stórdansleik.Meira -
Á ferð með Bogga
feykir.is Skagafjörður, Mannlíf, Lokað efni 05.07.2025 kl. 11.20Á Hofsvöllum í Vesturdal býr Borgþór Bragi Borgarsson ásamt konu sinni Guðrúnu Björk Baldursdóttur og eiga þau 3 börn og einn uppeldisson. Þau eru öll flogin úr hreyðrinu utan eitt. Hofsvellir munu vera fremsti bær í byggð í Skagafirði. Þau búa með 300 kindur og nokkur hross en aðalstarf Bogga, en því nafni gegnir hann ágætlega, er að vera frjótæknir en það vakti áhuga blaðamanns Feykis að kynnast því starfi. Blaðamaður slóst því í för með Bogga er hann í embættiserindum átti leið í Miðhús í Blönduhlíð.Meira
