Aðstöðuhús við kirkjugarðinn á Sauðárkróki
Nýju aðstöðuhúsi var komið fyrir við kirkjugarð Sauðkrækinga á Nöfum um síðustu helgi. Því er ætlað að hjálpa til við að auka þjónustu við almenning s.s. með almennri upplýsingagjöf vegna garðsins og salernisaðstöðu sem ekki hefur verið til staðar.
Að sögn Péturs Péturssonar formanns sóknarnefndar Sauðárkrókskirkju var ákvörðun um byggingu aðstöðuhússins tekin fyrir nokkrum árum síðan. Smíðin var verkefni Fjölbrautaskóla Norðurlands vestra og segir Pétur þetta hafa verið alveg tilvalið verkefni fyrir trésmiðir og rafvirkja og hverja þá sem að verkinu kom. Nú sé bara eftir að ganga frá að innan og tengja lagnir.
Við flutning hússins frá verknámshúsi FNV og í gegnum bæinn skemmdist járn á þaki er það straukst við gangbrautarskilti en Pétur segir það ekki alvarlegt, einungis þurfi að skipta um þakjárn.
Pétur segir að nú þegar sé búið að sækja um stækkun garðsins og teikna aðgengi að nýja húsinu og sé það allt í vinnslu en taki sinn tíma í kerfinu vegna gerð deiliskipulags o.fl.
Hvað verði um gamla skúrinn segir Pétur hann nýtast áfram sem geymsla. Þar eru m.a. ljósakrossar sem settir eru á leiði um jól og áramót en Kiwanismenn hafa tekið að sér þá þjónustu.
Fleiri fréttir
-
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira
