Áfram flugvöll í Vatnsmýri
Byggðarráð Sveitarfélagsins Skagafjarðar hefur sent frá sér ályktun þar sem fram kemur að Sveitarstjórn Sveitarfélagsins Skagafjarðar hafni hugmyndum um flutning innanlandsflugs úr Vatnsmýrinni í Reykjavík. Reykjavíkurflugvöllur gegni mikilvægu hlutverki í öryggisneti landsmanna þar sem nálægðin við Landsspítala Háskólasjúkrahús er hvað mikilvægust.
Þá segir í ályktun byggðaráðs að aðgengi landsbyggðar að stjórnsýslu, viðskipta- , menningar- og menntalífi landsins, sem hafi meginstarfsemi í höfuðborginni, megi ekki takmarka frekar en fjarlægðir geri nú þegar. Á það skuli minnt að Reykjavík sé höfuðborg allra landsmanna og því hafi borgaryfirvöld skyldum að gegna gagnvart landsmönnum öllum. Í niðurlagi ályktunarinnar er skorað á borgaryfirvöld og ríkisvaldið að kveða endanlega uppúr með staðsetningu Reykjavíkurflugvallar í nágrenni miðborgarinnar og hefja nú þegar tímabærar framkvæmdir við nýja samgöngumiðstöð.
Fleiri fréttir
-
Vel heppnaður fræðsludagur Skagafjarðar í Miðgarði
feykir.is Skagafjörður, Lokað efni 27.08.2025 kl. 14.55Þann 18 . ágúst sl. var hinn árlegi fræðsludagur Skagafjarðar haldinn í Miðgarði. Um er að ræða mikilvægan dag fyrir skólasamfélagið í Skagafirði, en í ár komu saman hátt í 250 starfsmenn tónlistar-, leik- og grunnskóla ásamt starfsfólki fjölskyldusviðs Skagafjarðar og fulltrúum fræðslunefndar. Skagafjordur.is segir frá:Meira -
Afhending Vatnsdælu á refli
feykir.is Austur-Húnavatnssýsla, Lokað efni 27.08.2025 kl. 11.05Föstudaginn 29. ágúst verður haldinn viðburður í Íþróttamiðstöðinni á Blönduósi þar sem Jóhanna Erla Pálmadóttir, Helga og Pálmi Gunnarsbörn afhenda fullkláraðan refil sem segir sögu Vatnsdæla. Pétur Arason, sveitarstjóri Húnabyggðar, mun taka við reflinum fyrir hönd samfélagsins.Meira -
Ráðhúsið á Sauðárkróki lokað fyrir hádegi á morgun
feykir.is Skagafjörður 27.08.2025 kl. 09.55Á vef Skagafjarðar er vakin athygli á því að Ráðhúsið verður lokað fyrir hádegi fimmtudaginn 28. ágúst nk.Meira -
Stelpurnar þurfa allan stuðning
feykir.is Skagafjörður, Íþróttir, Lokað efni 27.08.2025 kl. 09.45Á morgun fimmtudag kl: 18 leika Tindastóls konur gegn Víkingi Reykjavík í Bestu deildinni á Sauðárkróksvelli. Eins og við vitum er Tindastóll hættulega nálægt fallsvæðinu en sigur í þessum leik gæti skipt sköpum í að forða liðinu frá falli. Víkingsliðið er statt á svipuðum slóðum í töflunni svo gott væri að halda þeim neðan við sig. Feykir skorar á alla sem vettlingi geta valdið að mæta á völlinn og hvetja okkar konur. Áfram Tindastóll. hmjMeira -
Þrístapar formlega opnaðir á föstudaginn 29.ágúst
feykir.is Austur-Húnavatnssýsla, Lokað efni 27.08.2025 kl. 08.35Formleg opnun Þrístapa fer fram á föstudaginn klukkan 14. Ferðamannastaðurinn Þrístapar hefur verið opinn síðastliðin tvö ár og hlaut Húnabyggð Umhverfisverðlaun Ferðamálastofu í fyrra fyrir uppbyggingu svæðisins en verkefnið var í höndum Húnavatnshrepps áður en sveitarfélögin sameinuðust. Þrístapar er menningarsögulegur ferðamannastaður, vestast í Vatnsdalshólum norðan þjóðvegarins. Þar er að finna síðasta aftökustaðinn á Íslandi en aftakan fór fram 12. janúar 1830 þegar Agnes Magnúsdóttir og Friðrik Sigurðsson voru hálfshöggvin.Meira
