Bankaafgreiðslum í Skagafirði fækkar um tvær á næstu vikum
Eins og fram kemur í fréttatilkynningu á heimasíðu Sparisjóðanna hafa eftirlitsaðilar samþykkt samruna Arion banka og AFL sparisjóðs en áður höfðu stjórn Arion banka og fundur stofnfjáreigenda AFLs sparisjóðs samþykkt samruna fyrirtækjanna.
Arion banki mun áfram starfrækja útibú við Faxatorg en starfsemi Sparisjóðsins, sem í dag er við Ártorg, mun sameinast útibúi Arion banka. Þá stendur fyrir dyrum að loka afgreiðslu Arion banka í Varmahlíð á næstunni. Því mun bankaafgreiðslum í Skagafirði fækka um tvær á næstu vikum.
Sameinað útibú á Faxatorgi frá og með næsta mánudegi
Jóel Kristjánsson, settur Sparisjóðsstjóri, sagði í samtali við Feyki í gær að reiknað væri með að dagleg starfsemi Sparisjóðsins á Sauðárkróki yrði komin í sameinað útbú að Faxatorgi 23. nóvember. Einn starfsmaður mun flytjast þangað en gengið hefur verið frá starfslokasamningi við hina þrjá starfsmennina.
Viðskiptavinir Sparisjóðsins hafa fengið bréf þar sem samruninn er kynntur. „Markmiðið er að sameiningin valdi sem allra minnstu raski fyrir viðskiptavini. Þeir hafi í framtíðinni greiðan aðgang að góðri og yfirgripsmikilli fjármálaþjónustu.Það má alltaf gera ráð fyrir að það vakni einhverjar spurningar og það verður reynt að leysa úr því. Sem dæmi þá verður þjónustuver bankans opið um helgina,“ sagði Jóel ennfremur.
Sjálfsafgreiðsluvél í Varmahlíð
Þegar Feykir hafði samband við Magnús Barðdal Reynisson, útibússtjóri Arion banka á Sauðárkróki, í gær var verið að koma fyrir nýrri sjálfsafgreiðsluvél í útibúinu í Varmahlíð „Það verður hægt að sækja bankaþjónustu þangað, í öðru formi. Þar verður hægt að leggja inn peninga, taka út peninga og millifæra, greiða reikninga, fylla á gsm frelsi og fleira.“ sagði Magnús. „Svo munum við í desember bjóða viðskiptavinum okkar sem hafa verið að sækja þjónustu í Varmahlíð námskeið, þar sem við kennum á vélina. Bankaþjónusta hefur breyst mikið á undanförnum árum og margir farnir að nota heimabanka og app. Með lokuninni í Varmahlíð eflum við enn frekar starfslið okkar á Sauðárkóki og bjóðum bestu mögulegu bankaþjónustu“ Að sögn Magnúsar mun Erna Geirsdóttir, starfsmaður Arion banka í Varmahlíð, koma til starfa á Sauðárkróki en Ingibjörg Sigfúsdóttir lætur af störfum vegna aldurs, en hún hefur starfað við bankann síðan 1973. /KSE
Undirskriftalisti farinn af stað í Varmahlíð
Íbúi í Varmahlíð hafði samband við Feyki og sagði að sér hefði fundist þagað þunnu hljóði um lokun útibúsins þar og farinn væri af stað undirskriftalisti til að mótmæla henni. „Á þeim rúmum áratug sem ég hef búið hér hafa horfið að minnsta kosti tíu störf á einum kílómeter. Mér skilst að gjaldkerarnir í Varmahlíð hafi til skamms tíma verið með fleiri afgreiðslur en þeir á Króknum. Mætti ekki til dæmis stunda svokallaða bakvinnslu í Varmahlíð og hafa opið, þó ekki sé nema hálfan daginn? Stóra málið er auðvitað skert þjónusta og svo skilur enginn hví fækkar á landsbyggðinni.“
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.