Beint frá býli á Kvikmyndahátíðinni í Cannes
Bíóbændurnir frá Hofi á Höfðaströnd, Baltasar Kormákur og Lilja Pálmadóttir, gerðu gott mót á Kvikmyndahátíðinni í Cannes í Frakklandi í gær en þar frumsýndi Baltasar nýjustu afurð sína, Everest, sem hefur að öllu jöfnu hlotið lof gagnrýnenda og er hvarvetna beðið með mikilli eftirvæntingu.
Everest er stærsta verkefni Baltasars sem leikstjóra og hlaut hún þann heiðurssess að vera opnunarmynd Cannes-hátíðarinnar í ár. Myndin skartar fjölmörgum stórstjörnum, m.a. James Brolin, Jake Gyllenhall, Keiru Knightley og Ingvari Sigurðssyni, og er nú sýnd á helstu kvikmyndahátíðum í Evrópu og Bandaríkjunum.
„Þetta var mikil hátíð, ítalski forsetinn mættur og allur pakkinn þannig að þetta gat ekki verið mikið hátíðlegra,“ segir Baltasar í samtali við RÚV. Þarna voru þúsundir ljósmyndara og fjöldi fólks. Viðtökurnar að sýningu lokinni sagði Baltasar hafa verið góðar. Gestir hafi risið úr sætum og klappað. „Sem er víst ekki gefið á þessum hátíðum. Þeir geta verið mjög harkalegir stundum ef þeir fíla ekki það sem þeir sjá. Þannig að hátíðarhaldarinn og þeir í kring voru rosa jákvæðir og ánægðir með viðbrögðin,“ hefur RÚV eftir Baltasar Kormáki.
Myndin er byggð á sönnum atburðum en hún fjallar um hrakfallaferð á fjallið mikla og þykir einkar raunsæ og vel gerð. Margir reikna með að Everest verði ein af stærstu myndum ársins (sem ekki er byggð á teiknimyndafígúrum) og geri jafnvel tilkall til einhverra Óskarsverðlauna þegar þar að kemur – jafnvel í flokki bestu mynda.
Everest verður tekin til sýninga í kvikmyndahúsum föstudaginn 18. september og að sjálfsögðu verður myndin frumsýnd á Króknum sama dag. Króksbíó klikkar ekki frekar en fyrri daginn!
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
