Dagur Þór vann lokaverkefni um aukin flakagæði þorsks
Þann 29. apríl síðastliðinn varði Skagfirðingurinn Dagur Þór Baldvinsson lokaritgerð sína í Sjávarútvegsfræði við Háskólann á Akureyri sem fjallaði um áhrif skurðarhraða og stærðar fisks á flakagæði þorsks. Um er að ræða samstarfsverkefni milli FISK Seafood og Vélfags í Ólafsfirði sem unnið var hjá Iceprotein.
Í fréttatilkynningu frá Iceprotein segir að flakanýting og flakagallar hafa gríðarlega mikil áhrif á framlegð í bolfiskvinnslu.
„Miklar framfarir hafa átt sér stað á síðast liðnum árum í framleiðslu á flökunarvélum með það að markmiði að bæta flakanýtingu og útrýma flakagöllum. Á síðasta ári fór FISK Seafood í samstarf við Vélfag á Ólafsfirði um smíði á flakavél (M720) sem gæti flakað stóran þorsk, þ.e. þorsk á bilinu 4-16 kg. Eftir að vélin hafði verið smíðuð og sett upp í landvinnslu FISK á Sauðárkróki var sett saman verkefni sem hafði það að markmiði að skoða hvaða flökunarhraði myndi skila bestri nýtingu og flakagæðum hverju sinni út frá stærð fisks og skurðarhraða flökunarvélar. Einnig var framkvæmd fylgnigreining á flakagöllum til að sjá hvort tengsl væru á milli flakagalla,“ segir í fréttatilkynningunni.
Skagfirðingurinn Dagur Þór Baldvinsson nemandi í Sjávarútvegsfræði við Háskólann á Akureyri vann verkefnið hjá Iceprotein undir leiðsögn Dr. Hólmfríðar Sveinsdóttur og Sæmundar Elíassonar kennara við Háskólann á Akureyri.
Rannsóknaspurningar verkefnisins voru:
- Hefur hraði hnífa í M720 flökunarvél frá Vélfagi ehf. áhrif á flakanýtingu og flakagalla?
- Er flakanýting í M720 flökunarvélinni frá Vélfagi ehf. viðunandi miðað við flökunarstaðla?
- Er fylgni á milli einstakra flökunargalla?
- Hversu mikil áhrif hefur mismunandi flakanýting á verðmætasköpun á einu rekstrarári FISK Seafood?
Tilraunin fór fram daga 5. – 6. október, 2015 í landvinnslu FISK Seafood á Sauðárkróki. Mismunandi stórum þorski var skipt upp í tvo þyngdarhópa u.þ.b. 4 kg og u.þ.b. 6 kg. Fyrri daginn var flökunarvélin stillt á tvo mismunandi skurðarhraða, 376,2 m/mín og 303,9 m/mín. Seinni daginn voru sömu stillingar á skurðarhraða en einnig voru aðrar stillingar framkvæmdar eins og víkkun á innri beinastýringu að framan úr 4 mm í 6 mm, gormar á beinastýringunni stífaðir og bil á öllum hnífum aukið. Það er því ekki hægt að gera beinan samanburð á degi 1 og degi 2.
„Helstu niðurstöður úr verkefninu leiddu í ljós að hægt var að finna tengsl á milli flökunargalla tölfræðilega til að sjá hvar ein vanstilling getur leitt af sér tvo flökunargalla. Einnig sýndu niðurstöðurnar að þegar flakagallar voru bornir saman á milli daga kom í ljós að í léttari flokknum fækkaði flökunargöllum martækt á lægri snúningshraða en í þyngri flokknum fækkaði flökunargöllum marktækt á hærri snúningshraða. Flakanýtingin var í lægri kantinum fyrri daginn en batnaði til muna seinni daginn. Verðmætaaukningin fyrir FISK Seafood reiknuð út frá rekstrarári miðað við meðaltals bætingu á flakanýtingu milli daga myndi skila 22,75 milljónum íkr. á ári.
Álykta má út frá niðurstöðum verkefnisins að skurðarhraði hnífa í flökunarvélinni hafi haft áhrif á flakanýting og væri því fróðlegt að framkvæma áframhaldandi rannsóknir til að staðfesta það frekar,“ segir loks í tilkynningunni.
Verkefnið var styrkt af Þróunarsjóði KS.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
