Fiskmarkaður Snæfellsbæjar á Krókinn
Vegfarendur sem um Eyrarveginn fara á Sauðárkróki hafa getað fylgst með niðurrifi gömlu Sandbúðanna svokölluðu sem hýstu m.a. saltverkun Fisk Seafood til langs tíma en fyrirhugað er að byggja þar nýja aðstöðu fyrir fiskmarkað.
Að sögn Friðbjörns Ásbjörnssonar, framkvæmdastóra Fisk Seafood, hafa Sandbúðirnar verið nýttar sem geymslur síðustu árin. Fyrirhugaðri nýbyggingu er hins vegar ætlað að hýsa starfsemi fiskmarkaðar með tilheyrandi góðri aðstöðu til að slægja, flokka, geyma og selja afla og hámarka um leið verðmæti hans. Framkvæmdirnar verða á vegum Fiskmarkaðar Snæfellsbæjar, sem m.a. selur fisk frá Akranesi, Grundarfirði, Ólafsvík, Rifi, Sauðárkróki og Tálknafirði. Friðbjörn segir að verkefnið sé enn á byrjunar- og undirbúningsstigi.
Fleiri fréttir
-
Iðunn Jónsdóttir hefur verið ráðin í starf verkefnastjóra
feykir.is Skagafjörður 12.09.2025 kl. 11.55Iðunn Jónsdóttir hefur verið ráðin í starf verkefnastjóra atvinnu-, menningar- og kynningarmála. Alls bárust 12 umsóknir um starfið, þar af dró einn umsókn sína til baka. Verkefnastjóri er starfsmaður atvinnu-, menningar- og kynningarnefndar og mun hafa umsjón með verkefnum á sínu starfssviði, ásamt umsjón með skipulagningu og framkvæmd viðburða á vegum sveitarfélagsins og ýmsum öðrum menningarviðburðum. Auk þess verður verkefnastjóri með umsjón með heimasíðum, komum skemmtiferðaskipa, félagsheimilum og fleira.Meira -
Leikur í Síkinu í kvöld
feykir.is Skagafjörður 12.09.2025 kl. 11.15Fyrsti heimaleikurinn er í kvöld 12. september og hefst leikurinn 19:15. Höttur ætlar að kíkja í Síkið og spila æfingaleik við karlalið Tindastóls. Rétt er að minna á að sala árskorta er í fullum gangi.Meira -
Staðfestir eldislaxar í fjórum húnvetnskum laxveiðiám
feykir.is Austur-Húnavatnssýsla 12.09.2025 kl. 10.55Á vef Húna segir að í sameiginlegri tilkynningu frá Matvælastofnunar, Fiskistofu og Hafrannsóknastofnunar, um stöðu upprunagreininga laxa sem veiðst hafa nú í sumar, kemur fram að búið er að taka sýni og senda til erfðagreiningar sýni úr 30 löxum. Af þeim eru tíu fiskar staðfestir eldislaxar og því 20 sem reyndust villtir. Eldislaxarnir veiddust í Hrútafjarðará, Miðfjarðará, Vatnsdalsá, Blöndu, Reykjadalsá í Borgarfirði og Haukadalsá. Sýni úr þremur löxum eru í erfðagreiningu.Meira -
Hollir og góðir grautar ásamt orkumiklum hádegismat | Matgæðingur Feykis
feykir.is Skagafjörður, Í matinn er þetta helst, Lokað efni 12.09.2025 kl. 09.26Matgæðingur vikunnar í tbl. 19 var Guðbjörg Bjarnadóttir, íslensku- og jógakennari við Fjölbrautaskóla Norðurlands vestra á Króknum og er hún gift Sigurjóni Arthuri Friðjónssyni. Guðbjörg hefur frá því um tvítugt haft mikinn áhuga á öllu því sem stuðlar að heilbrigði og þá ekki síst á hollu og hreinu mataræði, stundum við litla hrifningu annarra fjölskyldumeðlima. Til dæmis þegar hún var að prófa sig áfram með baunarétti og sojakjöt hér á árum áður.Meira -
Samningar undirritaðir um hönnun nýrrar miðstöðvar skagfirskrar lista- og safnastarfsemi
feykir.is Skagafjörður, Listir og menning 11.09.2025 kl. 16.00Síðastliðinn þriðjudag skrifuðu Sigfús Ingi Sigfússon sveitarstjóri Skagafjarðar og Þorvarður Lárus Björgvinsson framkvæmdastjóri Arkís arkitekta undir samning um hönnun byggingar nýs menningarhúss í Skagafirði og tilheyrandi endurbóta á eldra húsnæði Safnahúss Skagfirðinga. Samkvæmt samningnum eru skil útboðsgagna fyrir jarðvinnuútboð 15. mars 2026 og skil endanlegra útboðsgagna fyrir aðra hluta verkefnisins 15. maí 2026. Gert er ráð fyrir að framkvæmdum við nýtt menningarhús verði lokið fyrir árslok 2027.Meira
