Framsókn vill ráðast í uppbyggingu íþróttamannvirkja á Sauðárkróki
Framboðslisti Framsóknar fyrir komandi sveitarstjórnarkosningar vinnur nú markvisst að mótun stefnu næsta kjörtímabils. Eitt af forgangsmálum listans verður að hefja nauðsynlega uppbyggingu íþróttamannvirkja norðan við núverandi íþróttahús á Sauðárkróki.
Áformin fela í sér byggingu á fjölnota íþróttahúsi, svo kallað hálft hús, einangrað og upphitað með aðstöðu til m.a. knattspyrnuiðkunar og aðstöðu fyrir frjálsar íþróttir. Telur listinn að með því sé unnt að bæta hreyfiaðstöðu fyrir unga sem aldna, létta verulega á þéttsetnu núverandi íþróttahúsi og auka tímafjölda þeirra greina sem stunda æfingar og keppni.
Húsið yrði tengt við núverandi íþróttahús með tveggja hæða tengibyggingu þar sem horft verður til þess að bæta við búningsklefum og öðrum rýmum sem tilheyra íþróttastarfi, auk bættrar aðstöðu fyrir starfsstöð Tónlistarskóla Skagafjarðar á Sauðárkróki og meira rýmis fyrir frístund barna.
Komist Framsóknarflokkurinn í meirihluta á næsta kjörtímabili verður strax í upphafi nýs kjörtímabils settur á laggirnar starfshópur sem mótar betur tillöguna, skoðar þá bæði heppilega stærð og útfærir betur skipulag húsanna og framkvæmdartíma. Mikilvægt er að einnig sé horft til framtíðar með frekari stækkun í huga.
Með hliðsjón af sterkri fjárhagsstöðu sveitarfélagsins og áframhaldandi góðum rekstri telur hópurinn raunhæft að framkvæmdir á fyrsta áfanga hefjist í kjölfar undirbúningsvinnu og hönnunar að tveimur árum loknum, eða árið 2028. Fram að því verður næsta stóra skref í uppbyggingu íþróttamannvirkja í Skagafirði bygging á nýju íþróttahúsi á Hofsósi, í samræmi við samþykkt byggingarnefndar skóla- og íþróttamannvirkja á Hofsósi og fjárhagsáætlun Skagafjarðar, en allar forsendur eru fyrir að það hús verði risið áður en fyrsta skóflustunga að nýju fjölnota húsi verður tekin á Sauðárkróki.
/Framboðslisti Framsóknar í Skagafirði
Fleiri fréttir
-
Úrslit í Gæðingalist Meistaradeildar KS
feykir.is Skagafjörður, Íþróttir 26.03.2026 kl. 10.56Keppt var í Gæðingalist í Meistaradeild KS í miðvikudagskvöld, 25. mars. Haf & Land ehf bauð áhorfendum frítt inn og fór það svo að Barbara Wenzl og Loftur frá Kálfsstöðum stóðu uppi sem sigurvegarar með einkunnina 7.50 eftir flotta sýningu. Í öðru sæti, þar rétt á eftir var Mette Mannseth og Töfri frá Þúfum með 7.47 og í því þriðja var Vera Schneiderschen og Feykir frá Selfossi með 7.43.Meira -
Innviðaskuld íþróttamannvirkja í Skagafirði | Indriði Grétarsson skrifar
feykir.is Skagafjörður, Aðsendar greinar 26.03.2026 kl. 10.00Nú þegar líður að sveitastjórnarkosningum er vel við hæfi að velta fyrir sér og varpa aðeins ljósi á þörf er varðar uppbyggingu á íþróttamannvirkjum í Skagafirði og í raun þeirri miklu innviðaskuld sem er komin. Eitthvað sem margir hafa verið að velta fyrir sér enda ætti góð íþróttaaðstaða sem uppfyllir kröfur þeirra íþróttagreina sem stundaðar eru í Skagafirði að vera ein af grunnstoðum samfélagsins sem styður við marga þætti er snýr félagslegum, andlegum og líkamlegum þætti fólks á öllum aldri. Aðgangur að fjölbreyttum íþróttagreinum er lykilþáttur í því, margar greinar þjálfa líkama og hreyfanleika fólks á meðan aðrar þjálfa andleguhliðina. En margir gera sér ekki endilega grein fyrir því hversu mikil í umsvifum þessi mál eru orðin og hvað þarf að gera.Meira -
Nú er hægt að skoða seli í sýndarveruleika
feykir.is Vestur-Húnavatnssýsla, Lokað efni 26.03.2026 kl. 09.30Næstkomadi sunnudag 29. mars verður sunnudagur á safni, sem er samstarfsverkefni safna og setra og sýninga á Norðurlandi vestra sem skiptast á að opna dyrnar fyrir íbúum og gestum. Selasetur Íslands, Veslunarminjasafnið, Gallerí Bardúsa og Byggaðsafn Húnvetninga og Strandamanna á Reykjum verða með opið nk. sunnudag.Meira -
Vonskuveður í dag og á morgun
feykir.is Skagafjörður, Austur-Húnavatnssýsla, Vestur-Húnavatnssýsla 26.03.2026 kl. 08.59Það er spáð vonskuveðri á landinu í dag en raunar er reiknað með að versta veðrið verði á höfuðborgarsvæðinu og sunnanlands. Hér á Norðurlandi vestra er gul veðurviðvörun frá því um kl. 10 og stendur hún til kl. 16 í dag. „Austan og suðaustan 15-25 m/s og vindhviður staðbundið yfir 35 m/s, hvassast austantil. Einnig má búast við snjókomu og skafrenningi með slæmu skyggni og versnandi færð. Varasamt ferðaveður,“ segir í viðvörun fyrir Strandir og Norðurland vestra.Meira
