Gagnrýnir niðurstöður Hafró.
Stofnmæling botnfiska á Íslandsmiðum, svokallað vorrall, fór fram í 27. sinn dagana 1. til 19. mars s.l. Fimm skip tóku þátt í verkefninu og var togað á tæplega 600 rallstöðvum allt í kringum landið. Sigurjón Þórðarson gagnrýnir niðurstöður Hafró.
Niðurstöður mælingarinnar er hægt að nálgast á vef Hafró en þær eru til bráðabirgða og verður lokaúttekt á niðurstöðum og tillögur Hafrannsóknastofnunarinnar um aflamark fyrir næsta fiskveiðiár kynntar í byrjun júní nk.
Samkvæmt skýrslu Hafró var útbreiðsla þorsks nokkuð jöfn og helstu breytingar á útbreiðslu frá fyrra ári voru þær að meira fékkst fyrir suðaustan og norðvestan land en minna í kantinum úti fyrir Norðausturlandi. Stofnvísitala þorsks hækkaði fjórða árið í röð, var nú svipuð og árin 1998 og 2004. Hækkun vísitölunnar undanfarin ár má einkum rekja til þess að æ meira hefur fengist af stórum þorski (stærri en 70 cm).
Sigurjón Þórðarson formaður Frjálslynda flokksins lítur á veiðiráðgjöf Hafró og aflaregluna sem stuðst er við sem hverja aðra vitleysu sem á ekkert skylt við náttúrufræði.
- Veiðin nú er 160 þús tonn en var að meðaltali fyrir veiðistýringu Hafró liðlega 400 þús tonn. Þorskstofninn heldur ekki áfram að stækka þar sem að hann þarf æti og fer í auknum mæli að éta undan sér. Ef skoðuð er mynd 4 í skýrslu Hafró sést þessi tröppugangur, 4 ár upp og svo kemur niðursveifla og miklar líkur eru á því að við missum af uppsveiflunni ef að við látum hjá líða að veiða. Sveiflan markast af samspili stofna við umhverfið þar sem veiðar hafa hverfandi áhrif, segir Sigurjón en honum finnst það athyglisvert að ef marka má mælingar Hafró þá er Þorskstofninn samsettur af stærri fiski en minna af millistórum og minni fiski. -Það styður enn frekar að auka megi veiðar þar sem líkur eru til þess að stærri fiskurinn sem er í meira mæli fiskiæta en sá smærri og éti undan sér og snögg minnkandi ýsustofn bendir til þess að stóri þorskurinn sé sömuleiðis að éta hana.
Sigurjón segir að þegar lagt var af stað í þessa vegferð, að minnka veiðar á smáum fisk og fá þá enn meiri afla síðar eftir að fiskurinn væri búinn að taka út vöxt, þá var markmiðið að veiða 500 þúsund tonn af þorski árlega og losna við sveiflurnar í veiðinni. -Staðan nú er margfalt minni veiði og umhugsunarvert er að með núverandi aflareglu sem byggir á því að taka 20% af mældum veiðistofni þá þyrfti Hafró að mæla stfoninn um 2 milljónir tonna til þess að geta ráðlagt meðaltalsveiði sem var að jafnaði um áratugaskeið áður en farið var í þessa hræðilegu veiðistjórnun.
Annað sem er athyglisvert er að keila og þá sérstaklega langan mælast í miklum fjölda þrátt fyrir áralanga veiði umfram veiðiráðgjöf á stofnunum, allt að 50% að meðaltali á umiliðnum árum, á meðan ýsan mælist í mikilli lægð þrátt fyrir að farið hafi verið í einu og öllu eftir ráðgjöf Hafró.
Fleiri fréttir
-
Tæknismiðjan á Hvammstanga opnar í ágúst
feykir.is Vestur-Húnavatnssýsla, Listir og menning, Lokað efni 17.07.2025 kl. 16.36Í ágúst verður tæknismiðjan í samfélagsmiðstöðinni á Hvammstanga opnuð. Í tilkynningu á heimasíðu Húnaþings vestra segir að þar fái nemendur og íbúar tækifæri til að læra um þrívíddarprentun, forritun, hönnun, nýsköpun o.fl. Um er að ræða tilraunaverkefni til eins árs til að þróa tæknismiðjuna og hvetjum við íbúa til að taka þátt þegar nánari dagskrá verður auglýst.Meira -
Enginn derbíleikur norðanliðanna í átta liða úrslitum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.07.2025 kl. 16.03Eins og Feykir hefur sagt frá þá tryggðu bæði Kormákur/Hvöt og Tindastóll sér sæti í Fótbolti.net bikarnum með góðum sigrum í hörkuviðureignum í gærkvöldi. Dregið var í átta liða úrslit keppninnar í hádeginu í dag og þar varð ljóst að draumaviðureign margra á Norðurlandi vestra verður í það minnsta ekki í átta liða úrslitum.Meira -
Velkomin á Mark Watson daginn
feykir.is Skagafjörður, Listir og menning, Mannlíf 17.07.2025 kl. 14.21Í tilefni af afmæli enska aðalsmannsins Mark Watson stendur Byggðasafn Skagfirðinga fyrir dagskrá í Glaumbæ 18. júlí. Watson var mikill Íslandsvinur og eigum við honum margt að þakka, þar með talið rausnarleg peningagjöf til viðgerða á gamla torfbænum í Glaumbæ árið 1938 sem átti sinn þátt í að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans Dagur íslenska fjárhundsins.Meira -
Opið fjós á Ytri-Hofdölum
feykir.is Skagafjörður, Mannlíf, Lokað efni 17.07.2025 kl. 12.05Á Ytri-Hofdölum í Hofstaðaplássi hefur risið stór myndarlegt fjós. Húsið er 1030fm2. Legubásar eru fyrir 65 kýr og svo er aðstaða fyrir kvígu uppeldi. Einn mjaltaróbóti er á staðnum. Þórdís og Þórarinn Halldórsbörn erum bændur á bænumMeira -
Aðalfundur Ámundakinnar ehf. 2025
feykir.is Austur-Húnavatnssýsla, Lokað efni 17.07.2025 kl. 11.15Í ársskýrslu félagsins er farið ýtarlega yfir reksturinn en hér er birtur úrdráttur sem Jóhannes Torfason framkvæmdastjóri félgasins tók saman: Aðalfundur Ámundakinnar ehf. var haldinn 11. júlí síðastliðinn í Eyvindarstofu á Blönduósi en félagið stundar útleigu fasteigna og er þátttakandi í rekstri fyrirtækja á starfssvæði sínu.Meira
