HSN á Sauðárkróki tekur við sjúklingum frá Landspítala
Greint var frá því í gær að Landspítalinn hafi verið settur á neyðarstig þar sem mikið álag hefur lengi verið þar innan húss og mjög vaxandi undanfarnar vikur, eftir því sem fram kemur á heimasíðu hans. Til að létta undir hefur verið ákveðið að flytja sjúklinga þaðan á aðrar heilbrigðisstofnanir á landinu m.a. á Sauðárkrók.
„Eins og kunnugt er hefur álag verið mikið á Landspítala lengi og mjög vaxandi undanfarnar vikur. Það á sér margar skýringar en fyrst ber að nefna mikla og hraða útbreiðslu á Covid-19 í samfélaginu sem og innan spítalans en nú er svo komið að yfir 100 starfsmenn geta ekki mætt til vinnu og sinnt sjúklingum vegna COVID smits,“ segir á landspitali.is en annar eins hópur er í sóttkví. Vegna þessa hefur verið gripið til þess neyðarúrræðis að kalla starfsmenn inn til vinnu sem skilgreindir eru í sóttkví að uppfylltum ákveðnum skilyrðum. Þá eru flest þau sérútbúnu legurými, sem ætluð eru fyrir sjúklinga með COVID, í notkun og ekki laus fyrir aðra og innlögnum á spítalann vegna þeirra farið fjölgandi. Nú hafa bæst við smit sem hafa greinst óvænt innan spítalans t.d. á bráðamóttökum, hjartadeild, Landakoti og fleiri deildum.
Heilbrigðisráðuneyti, Sjúkratryggingar Íslands, forstjórar heilbrigðisstofnana um landið og forstjóri Landspítala eiga í samstarfi um flutning sjúklinga sem geta lokið sjúkrahúslegu eða endurhæfingu á öðrum heilbrigðisstofnunum og munu þær taka á móti 30 sjúklingum til að létta álagi af Landspítala.
Um klukkan þrjú í dag lenti sjúkraflugvél Mýflugs
á Alexandersflugvelli með tvo sjúklinga sem fluttir
voru á heilbrigðisstofnunina á Sauðárkróki. Mynd: PF.
Ákveðið hefur verið að Heilbrigðisstofnun Norðurlands taki við sex þeirra og segir Örn Ragnarsson, framkvæmdastjóri lækninga, að þrír fari á Húsavík og jafnmargir á Sauðárkrók og eru tveir þeirra væntanlegir á Krókinn í dag.
Farsóttanefnd og viðbragðsstjórn hafa þungar áhyggjur af stöðunni í faraldrinum enda fordæmalaus fjöldi smita sem greinist á degi hverjum og má búast við innlögnum í kjölfarið á því. „Mönnun er mikil áskorun en vonir standa til að rýmkist um legurýmin með flutningum sjúklinga á aðrar heilbrigðisstofnanir. Mikilvægt er að allir leggist á eitt um að það verkefni gangi vel fyrir sig,“ segir á vef landspítala.
Fleiri fréttir
-
Tilkynning um fráveituframkvæmdir í Víðihlíð á Sauðárkróki 14. - 15. maí
feykir.is Skagafjörður 14.05.2025 kl. 12.27Á vef Skagafjarðar er vakin er athygli á því að vegna fráveituframkvæmda í Víðihlíð á Sauðárkróki í dag og á morgun, megi búast við vegaþrengslum á framkvæmdasvæðinuMeira -
Tvö uppáhaldsliðin að mætast í úrslitum
feykir.is Skagafjörður, Íþróttir, Lokað efni 14.05.2025 kl. 09.40Rakel Rós Ágústsdóttir er fædd og uppalin á Sauðárkróki og má kannski segja að hún komi úr fremar rótgróinni körfuboltafjölskyldu. Hún, bræður og systir körfubolta-spilandi og síðan er hún gift Baldri Þór Ragnarssyni og á með honum soninn Ragnar Thor. Fyrir þá sem ekki vita er Baldur, maður Rakelar, þjálfari Stjörnunnar í meistaradeild karla í körfubolta sem etur nú kappi við Tindastól í úrslitum bónusdeildarinnar í körfubolta. Þriðji leikurinn í seríunni fer einmitt fram í Síkinu í kvöld og hefst á slaginu 19:15.Meira -
Hollvinasamtök Heilbrigðisstofnunar Hvammstanga hélt aðalfund
feykir.is Vestur-Húnavatnssýsla, Mannlíf, Lokað efni 14.05.2025 kl. 08.38Aðalfundur Hollvinasamtaka Heilbrigðisstofnunar Hvammstanga var haldinn þann 5. maí sl. Í tilkynningu frá samtökunum segir að á þeim 19 árum síðan samtökin voru stofnuð hafi þau afhent stofnuninni gjafir að upphæð kr. 51.280.000 sem á núvirði eru líklega í kringum 80 milljónir.Meira -
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira
