Kiddi spáir Stólunum bikarmeistaratitlinum
Keppni í Domino´s-deildinni í körfubolta hefst í kvöld og sækja Tindastólsmenn lið ÍR heim í Hertz-hellinn í Seljaskóla. Á árlegum blaðamannafundi KKÍ og Domino's nú í vikunni var síðan kunngerð spá fyrirliða og forráðamanna liðanna og var liði Tindastóls spáð öðru sæti í deildinni.
Liði KR er spáð titilinum í karlaflokki og fékk liðið nokkuð afgerandi kosningu, hlaut 426 stig, en ef marka má spána þá verður baráttan um annað sætið hörð. Lið Tindastóls hlaut 362 stig og því spáð öðru sæti í deildinni, Stjarnan fékk 362 stig og lið Hauka í Hafnarfirði 340 stig.
Í Morgunblaðinu í dag fer Kristinn Friðriksson, fyrrum þjálfari og leikmaður Tindastóls með meiru, yfir veturinn framundan í körfunni og hann reiknar með að lið Tindastóls nái ekki sömu hæðum og síðasta vetur, spáir Stólunum fjórða sæti í deildinni. Telur þá hinsvegar geta náð langt í úrslitakeppninni og klikkir síðan út með því að spá Tindastólsmönnum bikarmeistaratitlinum.
Fyrsti leikur Tindastóls er í kvöld gegn liði ÍR og er leikið sunnan heiða. Liði Breiðhyltinga er spáð fallbaráttu. Í annarri umferð mætast lið Tindastóls og Stjörnunnar í Síkinu og má reikna með miklum baráttuleik líkt og jafnan þegar þessi lið mætast. Leikurinn er á sunnudaginn kl. 19:15.
Upphitun fyrir leikinn í kvöld má sjá á TindastóllTV >
Fleiri fréttir
-
Fjögur verkefni á Norðurlandi vestra fengu styrki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 25.06.2025 kl. 07.37Fjórar umsóknir frá Norðurlandi vestra fengu brautargengi við aðra úthlutun úr Hvatasjóði íþróttahreyfingarinnar. Alls barst 91 umsókn í sjóðinn upp á rúmar 128 milljónir króna. Samþykktar voru 72 umsóknir og úthlutað tæpum 38,5 milljónum króna.Meira -
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira
