Kiwanis með fyrsta framlag til kaupa á líkbíl
Það er óhætt að segja að þau samfélög eru rík sem njóta góðvildar hinna ýmsu klúbba sem hafa svo oft lagt mörgum góðum málefnum lið. Svo er um Skagafjörð en frá Kiwanisklúbbnum Drangey á Sauðárkróki hafa margvíslegar gjafir ratað til einstaklinga og stofnana og má í því sambandi m.a. benda á hjálma til grunnskólabarna, hin ýmsu tæki á sjúkrahúsið og sitthvað til kirkjunnar svo eitthvað sé nefnt.
Í síðustu viku hélt klúbburinn sinn 728. fund í Ljósheimum og meðal dagskráratriða var að afhenda safnarnefnd Sauðárkrókskirkju 500 þúsund króna styrk í söfnunarsjóð til kaupa á nýjum líkbíl en sá gamli er orðinn gamall og bilanagjarn. Svo vel vildi til að umræða um slíka söfnun hafði komið fram á safnaðarstjórnarfundi skömmu áður en stjórnin var látin vita af áætlunum Kiwanisfélaga.
Á fyrrgreindum Kiwanisfundi kom fram að nýr líkbíll gæti kostað á bilinu 6-8 milljónir og skorar klúbburinn á aðra klúbba og félagasamtök í Skagafirði að leggja málefninu lið og ekki síst fyrirtæki og einstaklinga því eins og segir í góðum fræðum að margt smátt gerir eitt stórt.
Styrkurinn kemur beint frá félögum eða úr félagssjóði en ekki styrkjasjóði klúbbsins sem alla jafna er ætlaður börnum á einhvern hátt.
Séra Sigríður Gunnarsdóttir prestur Sauðárkrókskirkju og Ingimar Jóhannsson, formaður sóknarnefndar, veittu gjöfinni viðtöku úr höndum Bjarka Tryggvasonar, formanns styrktarnefndar, og sagði Ingimar það ómetanlegt að eiga slíkan félagsskap, ekki bara fyrir kirkjuna heldur einnig fyrir samfélagið allt. „Fyrir okkur í sóknarnefndinni hyllir undir það að fjarlægur draumur rætist sem orðinn var mjög aðkallandi að finna lausn á, því við erum með 38 ára gamla líkbíl sem eyðir rúmlega 20 lítrum á hundraði,“ sagði Ingimar en bíllin kom nýr á Krókinn 1981 sem sjúkrabíll. Árið 1997 gaf Rauði krossinn kirkjunni bílinn sem í kjölfarið var breyttur til þess að geta þjónað sem líkbíll.
Þeir sem vilja leggja söfnuninni lið geta lagt inn á reikning sóknarnefndar Sauðárkrókskirkju:
0310-22-001029
Kt. 560269-7659
Fleiri fréttir
-
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira -
Heiminn vantar fleiri faðmlög | Leiðari 14. tbl 2024
feykir.is Aðsendar greinar 21.04.2024 kl. 12.08Faðmlag er eitt af mörgum fallegum orðum í íslenskunni. „Faðmlög eru einstaklega jákvæð leið til samskipta og til að sýna væntumþykju. Vinir faðmast og við sýnum fólkinu okkar væntumþykju með faðmlögum,“ segir á netsíðunni Hjartalíf.is og þar er reyndar sagt að faðmlög minnki hættuna á hjarta- og æðasjúkdómum og losi um streytu. Það eru því fá – ef einhver – lög betri en faðmlögin og þau ættu að ósekju að tróna á toppi vinsældalista okkar íbúa bláa hnattarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.