Króksarinn Blankiflúr með plötu vikunnar á Rás2
Plata vikunnar á Rás2 að þessu sinni er Hypnopompic með listakonunni Blankiflúr en það er að sjálfsögðu hin ofurmagnaða Inga Birna Friðjónsdóttir sem stendur á bak við Blankiflúr. Platan, sem er hennar fyrsta, hefur vakið verðskuldaða athygli en Inga segir tónlistina vera tilraunakennt rafpopp. Engu að síður er engan byrjendabrag að finna og tónlistin metnaðarfull og heilsteypt.
Inga Birna er dóttir Auðar Aðalsteins listakonu og sjúkraþjálfara og Friðjóns læknis á Króknum, elst þriggja systkina. Hún hefur búið víða; í Svíþjóð, Danmörku, á höfuðborgarsvæðinu en talar um Krókinn sem heimabæinn sinn.
Á Rás2 segir: „Tónlistarkonan Inga Birna Friðjónsdóttir gaf á dögunum út sína fyrstu plötu undir nafninu Blankiflúr en gripurinn heitir Hypnopompic. Plötuna, sem inniheldur níu lög, vinnur Inga Birna ásamt þeim Stefáni Erni Gunnlaugssyni og Arnþóri Örlygssyni Lind. Að sögn Ingu Birnu er platan tilraunakennt rafpopp þar sem lögin hafa öll skírskotun í hennar persónulega líf. Umfjöllunarefnin eru ástin og lífið, fyrri sambönd, móðurhlutverkið og náttúran. Platan segir hún að sé fjölbreytt en hafi samt sem áður sterkan heildarsvip Eins og fyrr segir er platan unnin með upptökustjóranum Stefáni Erni Gunnlaugssyni í stúdíó Bambus en hljóðblöndun og jöfnun eru í höndum Arnþórs Örlygssonar Lind.“
Platan verður spiluð í heild sinni eftir tíu fréttir á Rás2 og heyra má kynningar og lög af Hypnopomic út alla vikuna. Hér er hægt að hlýða á Ingu Birnu segja frá lögunum >
Fleiri fréttir
-
Tveir bikarleikir á vellinum í dag
feykir.is Skagafjörður, Íþróttir 23.06.2025 kl. 12.51Barna- og unglingaráð knattspyrnudeildar Tindastóls vill vekja athygli á því að í dag, mánudaginn 23. júní, verða spilaðir tveir bikarleikir á Sauðárkróksvelli. Fyrri leikurinn byrjar kl. 16:00 en þá tekur THK á móti Þór í 4. flokki karla. Seinni leikurinn er hjá 3. flokki karla og taka þeir á móti KA kl. 19:00. Allir á völlinn!Meira -
Páll Leó sigraði á Húnabyggð Open 2025
feykir.is Austur-Húnavatnssýsla, Íþróttir, Lokað efni 23.06.2025 kl. 10.10Opna skákmótið Húnabyggð Open 2025 fór fram í Krúttinu á Blönduósi á föstudaginn og var leikið eftir svissnesku aðferðinni. Tefldar voru fimm umferðir með tímamörkunum 5+2.Meira -
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira
