Kynningarfundur á Norðurlandi vestra fyrir íslenskar útflutningsgreinar
Á síðasta ári var samþykkt á fundi útflutnings- og markaðsráðs endurskoðuð langtímastefna fyrir íslenskan útflutning. Íslandsstofa leiddi vinnu við gerð stefnunnar, sem er samstarfsverkefni stjórnvalda og atvinnulífs. Markmið hennar er að stuðla að auknum útflutningstekjum og sjálfbærum hagvexti á Íslandi.
Í febrúar og mars 2026 leggja fulltrúar Íslandsstofu land undir fót, með Pétur Þ. Óskarsson framkvæmdastjóra Íslandsstofu í fararbroddi, og fara hring um landið til að kynna endurskoðaða stefnu.
Þriðja stopp ferðalagsins er Sauðárkrókur þar sem boðið verður til kynningarfundar í samstarfi við Samtök sveitarfélaga á Norðurlandi vestra. Fundurinn fer fram á veitingastaðnum Sauðá á Sauðárkróki þann 16. febrúar kl. 11.30-13:30. Boðið verður upp á súpu að hætti heimamanna og kaffi.
Á fundinum verður farið yfir helstu útflutningstækifærin fram á veginn og greint frá þeirri þjónustu og aðgerðum sem Íslandsstofa skipuleggur til stuðnings útflutningsfyrirtækjum. Þá mun Karl Guðmundsson, verkefnastjóri stórfjárfestinga í forsætisráðuneytinu, kynna samstarf ráðuneytisins og Íslandsstofu um stórfjárfestingar og fjalla um atvinnustefnu stjórnvalda.
Fundurinn er einkum gagnlegur fyrirtækjum sem starfa við eða hyggja á útflutning, sem og öðrum hagaðilum íslensks útflutnings. Nauðsynlegt er að skrá sig á fundinn, þetta kemur fram á vef SSNV og Íslandsstofu.
Nánari upplýsingar veitir Brynhildur Georgsdóttir, brynhildur@islandsstofa.is
Fleiri fréttir
-
VG gagnrýnir málarekstur sveitarfélagsins vegna Ketilás
feykir.is Skagafjörður, Lokað efni 03.02.2026 kl. 15.20Ágreiningur hefur skapast í byggðarráði Skagafjarðar um meðferð máls vegna eignarhalds á félagsheimilinu Ketilási í Fljótum. Fulltrúar VG og óháðra telja að sveitarfélagið hafi farið of langt með því að krefjast fulls eignarréttar að húsinu fyrir dómstólum, þrátt fyrir að Kvenfélagið Framtíð í Fljótum telji sig eiga 17 prósenta eignarhlut í eigninni. Meirihluti byggðarráðs bendir hins vegar á að þegar farin sé þessi leið fyrir dómstólum til að fá eignarhald skýrt til þinglýsingar þurfi að krefjast fulls eignarhalds.Meira -
Holtavörðuheiðarlína 3 – hæpin ákvarðanataka og ófullkomið samráð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 03.02.2026 kl. 15.16Samkvæmt samantekt Landsnets vegna mats á umhverfisáhrifum Holtavörðuheiðarlínu 3 er framkvæmdin hluti af meginflutningskerfi raforku landsins. Hún telst mikilvægur þáttur í nýrri 220 kV kynslóð byggðalínu sem hefur það markmið að tengja landshluta með öruggum hætti frá Hvalfirði til Fljótsdalshéraðs. Núverandi raflínur, Blöndulína 1 og Laxárvatnslína 1, verði áfram mikilvægar tengingar við þéttbýliskjarna á Norðurlandi vestra og munu einnig styrkja tengingu við Vestfirði. Frá upphafi voru áform Landsnets skýr varðandi það að Holtavörðuheiðarlína 3 yrði hluti af meginflutningskerfi raforku, en aðrar raflínur myndu sinna svæðisbundnum tengingum innan landshluta.Meira -
Sigurjón Bjarni og Valdimar Logi skrifa undir við Kormák/Hvöt
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 03.02.2026 kl. 13.27Kormákur/Hvöt hefur samið við tvo unga og efnilega kappa um að spila með liðinu í 2. deildinni í sumar. Þetta eru þeir Sigurður Bjarni Guðmundsson sem er á átjánda ári og hinn 15 ára gamli Valdimar Logi Guðmannsson.Meira -
Þorrablót Árskóla var á bóndadaginn
feykir.is Skagafjörður, Mannlíf, Lokað efni 03.02.2026 kl. 11.06Það er árstíð þorrablótanna en það hefur nú varla farið fram hjá nokkrum manni. Þorrablót nemenda Árskóla var haldið á Bóndadaginn. Í frétt á síðu Árskóla segir að blótið hafi byrjað með samkomu í íþróttasalnum þar sem sunginn var Þorraþræll og fleiri ísköld Þorralög.Meira
