Langþráður hraðbanki á leið í Hofsós
Mikil óánægja hefur ríkt meðal íbúa Hofsóss og nágrennis vegna hraðbankaleysis á staðnum. Nú er komið rúmlega hálft ár síðan hraðbanka á staðnum var lokað, en hann var staðsettur í þáverandi bráðabirgðahúsnæði Kaupfélagsins. Skömmu fyrir Jónsmessuna í sumar flutti Kaupfélagið í fyrra húsnæði, eftir gagngerar endurbætur vegna bruna tveimur árum fyrr, en hraðbanki hefur ekki verið til staðar á Hofsósi síðan.
Íbúar Hofsóss og nágrennis segja þetta til mikilla óþæginda, ekki síst fyrir fólk sem hefur ekki bíl til umráða, og þó svo sé, þá kosti sitt að keyra á Sauðárkrók, eingöngu til að taka út pening. Nú stendur þetta til bóta, þar sem nýr hraðbanki er væntanlegur á Hofsós á miðvikudaginn og á hann að vera kominn í notkun fyrir jól, að sögn Jóels Kristjánssonar útibússtjóra Arionbanka.
Jóel tók undir að málið væri búið að taka sinn tíma. „Sumir hlutir taka einfaldlega lengri tíma en aðrir. En við erum ánægð með að þetta sé komið í höfn, öllum til góðs, sérstaklega viðskiptavinum okkar,“ sagði Jóel í samtali við Feyki í morgun.
Hraðbankinn verður staðsettur í húsnæði Kaupfélagsins og aðgengilegur á opnunartíma verslunarinnar.
Fleiri fréttir
-
Leiðrétting veiðigjalda mun skila sér í bættum innviðum | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.05.2025 kl. 18.36Mikil umræða hefur átt sér stað um frumvarp ríkisstjórnarinnar um leiðréttingu veiðigjalda, jafnt á þingi sem og úti í samfélaginu. Sjávarútvegsmál hafa alltaf kallað fram sterkar skoðanir og réttlætiskennd hjá þjóðinni, hvort sem er í umræðum um kvótakerfið, veiðigjöld, eða strandveiðar.Meira -
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum, himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira
