Lið Tindastóls úr leik í Lengjubikarnum
Tindastólsmenn sóttu Þórsara heim í Þorlákshöfn í kvöld í átta liða úrslitum Lengjubikarkeppninnar. Með sigri hefðu Stólarnir boðið stuðningsmönnum sínum upp á ærlegt partí í Síkinu um komandi helgi því úrslitaleikir Lengjubikarsins verða spilaðir á Króknum. Það var því súrt að Þórsarar reyndust sterkari í leiknum og slógu Stólana út með 10 stiga sigri, 85-75.
Jafnt var að loknum fyrsta leikhluta, 19-19, en heimamenn náðu góðum kafla rétt fyrir hálfleik og leiddu 45-38 í hléi. Stólarnir minnkuðu muninn í þrjú stig, 52-49, eftir að Arnþór setti niður þrist en Þórsarar spiluðu góða vörn sem Stólarnir réðu illa við og voru með ellefu stiga forskot, 66-55, fyrir lokakaflann. Þegar um sjö mínútur voru eftir setti Lewis niður þrist og minnkaði muninn í 71-62 en næstu ellefu stig voru í boði heimamanna sem náðu þar með 20 stiga forystu sem Stólarnir áttu ekki möguleika á að brúa. Pétur og Sigurður Páll sáu til þess að munurinn var ekki vandræðalegur fyrir Stólana með ágætum körfum síðustu tvær mínútur leiksins.
Vance Michael reyndist Stólunum erfiður í kvöld en hann gerði 30 stig og tók 10 fráköst. Þá var risinn Ragnar Z með 14 stig og 9 fráköst. Í liði Tindastóls var Lewis stigahæstur með 21 stig, Townes var með 12 stig og Pétur 10. Helgi Viggós frákastaði mest Stólanna, hirti sjö varnarfráköst. Slök nýting innan teigs (34%) reyndist Stólunum dýrkeypt auk þess sem heimamenn hittu og fráköstuðu betur (37/25).
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
