Menntabúðir björgunarsveitanna 2026 haldnar á Sauðárkróki
Alls komu tuttugu fyrirlesarar fram með erindi í fjórum sölum. Fjallað var um fjölbreytt málefni tengd björgunarstarfi, meðal annars siðareglur og starfshætti, sporhunda, vettvangsliða, nám í jöklaleiðsögn, aðgerðastjórnunarkerfi, fjallabjörgunarverkefni, unglingastarf björgunarsveita, hamfarahópa, samstarf á milli svæða og ýmis búnaðar- og tækjamál. Fyrirlestrarnir fóru fram í samhliða dagskrá þar sem þátttakendur gátu valið á milli mismunandi erinda hverju sinni.
Viðburðurinn var að öllu leyti unninn í sjálfboðavinnu og á það bæði við um skipulagningu menntabúðanna og undirbúning fyrirlestra. Fyrirlesarar komu víðs vegar að, meðal annars frá Vestmannaeyjum og höfuðborgarsvæðinu.
Í hádeginu var þátttakendum boðið upp á máltíð frá Grettistaki. Kaffiveitingar versluðu Elva og Hafdís og báru á borð. Að lokinni dagskrá í skólanum var síðan boðið upp á kvöldverð og samverustund á SAUÐÁ, þar sem þátttakendur hittust og ræddu saman í góðu andrúmslofti og nutu máltíðar saman.
Fyrirlesurum var sýndur smá þakklætisvottur fyrir framlag sitt. Kaupfélag Skagfirðinga lagði til útivistarsokka sem gjöf til þeirra og auk þess fengu þeir súkkulaðistykki sem þakkir fyrir þátttökuna.
Skipuleggjendur menntabúðanna voru Hafdís Einarsdóttir, félagi í Björgunarsveitinni Skagfirðingasveit og Elva í Björgunarsveitinni Súlum á Akureyri. Þetta er í fimmta sinn sem menntabúðirnar eru haldnar og segja þær að „Þetta hefur tekist gríðarlega vel þessa helgi og við erum afar ánægðar og þakklátar fyrir þátttökuna og samstarfið,“ segja Hafdís og Elva.
Skipuleggjendur stefna að því að halda Menntabúðir aftur á sama tíma að ári og segja þegar komnar fram ýmsar hugmyndir fyrir dagskrá næsta árs.
/Fréttatilkynning
Fleiri fréttir
-
Kótilettukvöldin á Blönduósi orðin 53 talsins
feykir.is Austur-Húnavatnssýsla, Listir og menning, Lokað efni 09.03.2026 kl. 16.14„Nú er hann orðinn kótilettukarl,“ söng Bjartmar Guðlaugs um árið. Það skal ekki fullyrt hvort það fína lag hafi fengið að hljóma í Félagsheimilinu á Blönduósi um helgina en þar sló engu að síður Frjálsa kótilettufélagið upp frábæru kótilettukvöldi sem var vel sótt að venju.Meira -
Frumvarp að nýjum sveitarstjórnarlögum lagt fram á Alþingi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 09.03.2026 kl. 14.51Innviðaráðherra hefur á Alþingi mælt fyrir frumvarpi að nýjum sveitarstjórnarlögum en í því felast víðtækar breytingar frá gildandi lögum, en frá þessu segir í Húnahorninu. Markmiðið frumvarpsins er að styrkja og styðja við sveitarstjórnarstigið á Íslandi með því tryggja að sveitarfélög um allt land séu öflug, sjálfbær og vel í stakk búin til að takast á við umfangsmikil verkefni og tryggja íbúum faglega og skilvirka grunnþjónustu.Meira -
Sveitalífið er mjög gefandi
feykir.is Skagafjörður, Mannlíf, Lokað efni 09.03.2026 kl. 09.10Ívar Sigurðsson er bóndi Feykis þessa vikuna en hann býr á Páfastöðum,ásamt konunni sinni Ingibjörgu og börnum. Búið er rekið í samvinnu við foreldra Ívars en hann er menntaður vélvirki og vélstjóri hefur ekki tekið búfræðinginn ennþá að eigin sögn en það kemur kannski seinna meir. Þau búa eingöngu með nautgripi, um það bil 150 árskýr og svo nokkur naut.Meira -
„Strákar! Ég man ekkert hvað lagið heitir en það er rokk og er í A“ / SIGURVALD ÍVAR
feykir.is Vestur-Húnavatnssýsla, Listir og menning, Lokað efni 08.03.2026 kl. 15.34„Ég heiti Sigurvald Ívar Helgason og er með lögheimili á Hvammstanga en hef undanfarin misseri meira eða minna búið í ferðatösku, starfs míns vegna, út um hvippinn og hvappinn,“ segir Silli sem fæddist árið 1972, sama ár og Ziggy Stardust eins og hann segir sjálfur. Hann er fæddur og uppalinn á Hvammstanga, sonur hjónanna Helga Sæmundar Ólafssonar og Dóru Eðvaldsdóttur. Það var tíu ára ferli að fá kappann til að setjast niður og svara Tón-lystinni og í þriðju tilraun hafðist það.Meira
