Mesti fjöldi hraðprófa á heilsugæslunni á Sauðárkróki í morgun

feykir.is Skagafjörður 10.12.2021 kl. 14.54
Löng röð myndaðist strax við sjúkrahúsið á Sauðárhæðum í morgun en metfjöldi hraðprófa var tekinn á heilsugæslunni á einum degi. Frostið var um sex gráður en stillt veður og ekki vitað til að neinum hafi orðið meint af. Mynd: PF.
Löng röð myndaðist strax við sjúkrahúsið á Sauðárhæðum í morgun en metfjöldi hraðprófa var tekinn á heilsugæslunni á einum degi. Frostið var um sex gráður en stillt veður og ekki vitað til að neinum hafi orðið meint af. Mynd: PF.

Það var nóg að gera á heilsugæslustöðinni á Sauðárkróki í morgun þar sem yfir 400 hraðpróf voru tekin vegna Covid 19 en ekki er boðið upp á sýnatöku um helgar á Króknum. Að sögn Kristrúnar Snjólfsdóttur, yfirhjúkrunarfræðings, gekk sýnatakan mjög vel, enda fólk afar jákvætt í biðröðinni þrátt fyrir mikið frost en sem betur fer flestir frekar neikvæðir í niðurstöðum eftir sýnatöku. „Þetta er mesti fjöldi sem hefur komið til okkar í hraðpróf vegna viðburða,“ segir Kristrún.

Hraðpróf eru notuð af heilsugæslunni og viðurkenndum einkaaðilum við skimun hjá einkennalausu fólki, til dæmis fyrir viðburði, en líka í upphafi og enda smitgátar. Sýnatakan fer þannig fram að tekin eru sýni úr nefi einstaklinga og niðurstöður skannaðar inn og fær fólk svar alla jafna fljótlega eftir að sýnatöku lýkur.

„Sá sem greinist jákvæður kemur aftur til okkar og við höfum þá endurtekið hraðprófið og einnig tekið PCR próf sem svar fæst við seinna í dag. Það er alltaf möguleiki á að það greinist falskt jákvætt eða neikvætt svar í hraðprófi. Lögreglan var okkur til aðstoðar í dag sem var mjög gott og þá gat hún vísað eldra fólki og þeim sem voru með ung börn framar í röðina,“ segir Kristrún sem vill koma þökkum til fólks fyrir þeirra þolinmæði í biðröðum.

„Við gerum okkar besta til að þetta gangi eins vel og hægt er. Við biðjum einnig þá sem eru að koma í hraðpróf að ljúka skráningu í prófið þannig að það sé komið inn í kerfið. Auðveldast er að fara inn í  heilsuveru og skrá sig þar. Nú er það hins vegar þannig að það eru ekki allir sem geta skráð sig inn í heilsuveru, eru t.d. ekki með rafræn skilríki. Þá er hægt að fara inn á hradprof.covid.is og velja þar „skráning í hraðpróf vegna viðburðar“. Þá er hægt að velja um skráningu annars vegar í gegnum farsíma og hins vegar í gegnum netfang. Það ættu því allir að geta skráð sig í hraðpróf og það er upplagt að fá einhvern til að aðstoða sig við þetta ef þess þarf.“

Kristrún segir mikilvægt að fólk mæti á þeim tíma sem sýnataka á að vera þar sem það geri allt auðveldara fyrir starfsfólkið. Hægt er að bóka sig í hraðpróf alla virka daga kl.8.30 og 8.45. „Það er mjög mikilvægt að þetta sé allt klárt þegar mætt er því þá gengur allt miklu betur.“

Til baka

Fleiri fréttir

  • Mynd aðsend.

    Alþjóðlegi safnadagurinn hjá Byggðasafni Skagfirðinga á sunnudaginn

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40 siggag@nyprent.is
    Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.
    Meira
  • Frá heimsókn í Steinullarverksmiðjuna. MYND AÐSEND

    Vel heppnuð námsferð stúdenta í iðnaðar- og orkutæknifræði á Sauðárkrók

    feykir.is Skagafjörður 14.05.2025 kl. 13.17 gunnhildur@feykir.is
    Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.
    Meira

  • Tilkynning um fráveituframkvæmdir í Víðihlíð á Sauðárkróki 14. - 15. maí

    feykir.is Skagafjörður 14.05.2025 kl. 12.27 gunnhildur@feykir.is
    Á vef Skagafjarðar er vakin athygli á því að vegna fráveituframkvæmda í Víðihlíð á Sauðárkróki í dag og á morgun, megi búast við vegaþrengslum á framkvæmdasvæðinu
    Meira
  • Rakel, Baldur og Ragnar Thor. MYND AÐSEND

    Tvö uppáhaldsliðin að mætast í úrslitum

    feykir.is Skagafjörður, Íþróttir, Lokað efni 14.05.2025 kl. 09.40 gunnhildur@feykir.is
    Rakel Rós Ágústsdóttir er fædd og uppalin á Sauðárkróki og má kannski segja að hún komi úr fremar rótgróinni körfuboltafjölskyldu. Hún, bræður og systir körfubolta-spilandi og síðan er hún gift Baldri Þór Ragnarssyni og á með honum soninn Ragnar Thor. Fyrir þá sem ekki vita er Baldur, maður Rakelar, þjálfari Stjörnunnar í meistaradeild karla í körfubolta sem etur nú kappi við Tindastól í úrslitum bónusdeildarinnar í körfubolta. Þriðji leikurinn í seríunni fer einmitt fram í Síkinu í kvöld og hefst á slaginu 19:15.
    Meira
  • Þetta er hann Tungukotsmóri sem er listaverk eftir Ólöfu Nordal sem er á lóð Heilbrigðisstofnunarinna. Hann á að minna íbúa á að hlúa vel að stofnuninni. MYND: GUÐMUNDUR HAUKUR

    Hollvinasamtök Heilbrigðisstofnunar Hvammstanga hélt aðalfund

    feykir.is Vestur-Húnavatnssýsla, Mannlíf, Lokað efni 14.05.2025 kl. 08.38 oli@feykir.is
    Aðalfundur Hollvinasamtaka Heilbrigðisstofnunar Hvammstanga var haldinn þann 5. maí sl. Í tilkynningu frá samtökunum segir að á þeim 19 árum síðan samtökin voru stofnuð hafi þau afhent stofnuninni gjafir að upphæð kr. 51.280.000 sem á núvirði eru líklega í kringum 80 milljónir.
    Meira
Yfirlit frétta