Miðstöð endurhæfingar við Heilbrigðisstofnunina á Sauðárkróki
Það eru gleðitíðindi að heilbrigðisráðherra, Svandís Svavarsdóttir hafi ákveðið að komið verði á fót frekari aðstöðu til almennrar endurhæfingar við Heilbrigðisstofnunina á Sauðárkróki, með allt að fjórum nýjum rýmum. Þannig er komið á móts við óskir stofnunarinnar, en ekki síður heimamanna.
Sveitarstjórn Skagafjarðar hefur barist ötullega fyrir því, allt frá haustinu 2010, að sú góða aðstaða og hæfa starfsfólk sem er til staðar við stofnunina á Sauðárkróki verði nýtt enn frekar og þar byggð upp sérhæfðari endurhæfingarþjónusta og stofnuninni skapaður ákveðinn sess á landsvísu á því sviði. Greinargerðir og tillögur um það efni hafa ítrekað verið kynntar fyrir heilbrigðisyfirvöldum frá þeim tíma, fengið jákvæðar undirtektir, en lítið gerst. Nú hefur orðið breyting þar á með ákvörðun núverandi heilbrigðisráðherra. Á heimasíðu heilbrigðisráðuneytisins segir Svandís ánægjulegt að geta stutt við þetta verkefni HSN og segir ennfremur „Endurhæfing er mikilvæg heilbrigðisþjónusta sem getur jafnvel ráðið úrslitum um það hvernig fólki reiðir af í kjölfar aðgerða, veikinda eða annarra áfalla. Þetta á ekki síst við þegar eldra fólk á í hlut. Ég fagna þessu frumkvæði stofnunarinnar og er viss um að þjónustuviðbótin sem í þessu felst muni skipta miklu máli.“
Við Heilbrigðisstofnunina á Sauðárkróki er góð endurhæfingaraðstaða, endurhæfingarsundlaug, sem hægt er að nýta mun betur, vel tækjum búinn æfingasalur, auk þess sem margir hæfir sjúkraþjálfarar eru til staðar. Einnig er mjög gott starfsfólk á fleiri sviðum sem komið getur að uppbyggingu á enn frekari sérhæfðri endurhæfingarþjónustu við stofnunina. Að þessu sinni er við það miðað að endurhæfingin verði sérstaklega sniðin að þörfum eldra fólks sem þarf á endurhæfingu að halda svo sem vegna liðskiptaaðgerða, gigtar og annarra ástæðna þar sem almenn hjúkrun, sjúkraþjálfun og endurhæfing í aðstöðu og eins og er til staðar á Sauðárkróki kemur að góðum notum. Það er hinsvegar ekkert því til fyrirstöðu að halda því verki áfram sem nú er hafið, að byggja upp sérhæfða endurhæfingarþjónustu á landsvísu við Heilbrigðisstofnunina á Sauðárkróki fyrir fólk á öllum aldri með fjölbreyttar endurhæfingarþarfir. Aðstaðan og hæft starfsfólk er til staðar. Með því geta heilbrigðisyfirvöld í senn sparað fjármuni sem færu í að byggja upp nýja slíka aðstöðu á höfuðborgarsvæðinu og bætt þjónustu við þá sem þurfa á endurhæfingarþjónustu að halda á landsvísu.
Þessi ákvörðun heilbrigðisráðherra markar langþráð tímamót sem mikilvægt er að fylgt sé eftir af Skagafirði og öðrum sveitarfélögum á svæðinu, sem vinni að því í samvinnu við heilbrigðisyfirvöld og Heilbrigðisstofnunina að byggja upp á þeim grunni, enn frekari alhliða endurhæfingarþjónustu á Sauðárkróki sem þjónað geti öllu landinu.
Bjarni Jónsson, sveitarstjórnarfulltrúi VG og óháðra Skagafirði
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.