„Orð mín slitin úr samhengi,“ segir sveitarstjóri
„Enginn stuðningur frá sveitarstjóra er sú staðreynd sem meirihluti grunnskólakennara í Skagafirði upplifði í dag,“ segir á fésbókarsíðum margra grunnskólakennara í Skagafirði eftir að fjölmennur hópur þeirra afhenti Ástu Björgu Pálmadóttur, sveitarstjóra Svf. Skagafjarðar, ályktun stjórnar Kennarasambands Norðurlands vestra um bætt kjör.
Kennarar sem þessum ummælum deildu í dag eru afar ósáttir og segja að orðrétt hafi sveitarstjóri sagt: ,,Ég get ekkert gert fyrir ykkur". Mikil umræða hefur skapast á þráðum þeirra og er mörgum ansi heitt í hamsi.
Þegar Feykir leitaði viðbragða Ástu Bjargar sagði hún að orð sín væru slitin úr samhengi. „Ég sagði að ég gæti því miður ekkert gert fyrir þau þar sem kjarasamningsumboð sveitarfélagsins væri hjá samninganefnd sveitarfélaga. Í samningi á milli sveitarfélaga og Sambands íslenskra sveitarfélaga er í gildi samkomulag um kjarasamningsumboð og hefur Samband íslenskra sveitarfélaga fullnaðarumboð til kjarasamningsgerðar fyrir Sveitarfélagið Skagafjörð sem og önnur sveitarfélög. Kjarasamningsumboðið felur í sér að sveitarfélagið skuldbindur sig til að hlíta markmiðum og stefnu sambandsins í kjaramálum og þeim kjarasamningum sem stjórn sambandsins gerir fyrir þess hönd í öllum atriðum. Kjarasvið sambandsins annast allar kjarasamningsviðræður við viðkomandi stéttarfélög, ganga frá kjarasamningi, annast útgáfu hans í samráði við viðkomandi félag, vinna að framkvæmd einstakra þátta á samningstímanum og aðstoða við framkvæmd viðkomandi kjarasamninga. Kjarasamningsumboðið er fullnaðarumboð og er sveitarfélaginu ekki heimilt að hafa afskipti af kjarasamningsgerð sem umboðið nær til. Hvorki ég né sveitarstjórn höfum leyfi til inngripa í samninga en að sjálfsögðu virði ég samningsrétt og óska þess að samningar náist sem fyrst.“
Grunnskólakennarar víða um land lögðu niður störf klukkan 13.30 í dag og gengu út. Þannig vildu þeir undirstrika kröfur sínar í yfirstandandi kjaraviðræðum þeirra við sveitarfélögin.
Uppfært: Fyrr í dag var sagt í fréttinni að Guðbrandur Ægir Ásbjörnsson kennari í Árskóla hafi ritað þessi ummæli á Fésbók sinni og aðrir kennarar deilt. Rétt er að leiðrétta að kennarar deildu ekki ummælum Guðbrands Ægis, heldur birtu þeir sömu ummæli á sínum síðum. Beðist er velvirðingar á þessu og Guðbrandur Ægir sérstaklega beðinn afsökunar.
Fleiri fréttir
-
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira
