Sjúkradeild nánast aflögð – fækka þarf um 35 – 40 stöðugildi
Nái fjárlög óbreytt fram að ganga mun sjúkradeild Heilbrigðisstofnunarinnar á Sauðárkróki nánast leggjast af, fækka þarf stöðugildum um 35 – 40 og sérfræðikomur munu heyra sögunni til.
Á samtali við Feyki.is segir Hafsteinn Sæmundsson, forstjóri, að í krónum talið séu framlög ársins í ár lægri en á fjárlögum ársins 2004. -Breytingin hjá okkur er 0,96% eða lækkun að nafnverði um 4%. Á sama tíma hafa framlög til stofnana á höfuðborgarsvæðinu hækkað um 46% eða 1,46. Heilbrigðisstofnun Vesturlands hefur hækkað um 43%. Þannig má sjá að misskipting framlaga milli svæða eykst verulega milli ára, segir Hafsteinn.
En hvaða þýðingu hefur niðurskurður af þessari stærðargráðu? -Við þurfum að fækka stöðugildum um 35-40 og mun það koma niður á öllum sviðum stofnunarinnar þó svo að sjúkrasviðið verði verst úti en það er nánast aflagt. Umsvif þess eiga að minnka um 70% í framlögum. Við munum þurfa að samnýta betur húsnæði og loka hluta þess. Ljóst er að starfsemi stofnunarinnar yrði ekki svipur hjá sjón eftir þessar breytingar og gera má ráð fyrir að samfélagið hér yrði fyrir varanlegum skaða vegna þess, segir Hafsteinn.
Hafsteinn segir að reikna megi með að sérfræðikomur muni heyra sögunni til og ekki verði lengur hægt að tala á móti sjúklingum eftir aðgerðir á hinum stóru sjúkrahúsum líkt og verið hefur. -Ég hef velt fyrir mér hver yrði raunverulegur sparnaður ríkisins af þessum aðgerðum og komist að því að hann yrði lítil, segir Hafsteinn að lokum.
Gert er ráð fyrir að funda með starfsfólki stofnunarinnar klukkan 15:00 í dag.
Fleiri fréttir
-
Hundgá og „high tea“ í Glaumbæ
feykir.is Skagafjörður, Listir og menning 22.07.2025 kl. 16.01Í tilefni af afmæli enska aðalsmannsins Mark Watson (1906–1979) stóð Byggðasafn Skagfirðinga, venju samkvæmt, fyrir dagskrá í Glaumbæ þann 18. júlí sl. Watson var mikill Íslandsvinur og eigum við honum margt að þakka, Þar með talið rausnarlega peningagjöf til viðgerða á gamla torfbænum í Glaumbæ árið 1938, sem átti sinn þátt í því að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans „Dagur íslenska fjárhundsins“.Meira -
Vatnsnes Trail Run Utanvegahlaup
feykir.is Íþróttir, Vestur-Húnavatnssýsla 22.07.2025 kl. 10.40Einn af fjölmörgum áhugaverðum viðburðum á Eldi í Húnaþingi er „Vatnsnes Trail Run” sem er utanvegahlaup í Húnaþingi vestra. Hlaupið fer fram á föstudaginn 25.7. Boðið er upp á þrjár vegalengdir: 20+ km, 10km og fjölskylduhlaup. Í 10 km og 20+ km hlaupunum verður hlaupið frá Félagsheimilinu á Hvammstanga fallega leið upp í Kirkjuhvamm og svo halda leiðirnar áfram upp fjallið. í 1,5 km fjölskylduhlaupinu er einnig hlaupið frá Félagsheimilinu á Hvammstanga. Skemmtilegur viðburður fyrir náttúruunnendur og hlaupara á öllum getustigum.Meira -
Frábært framtak á folf-vellinum á Hvammstanga
feykir.is Vestur-Húnavatnssýsla, Mannlíf, Lokað efni 22.07.2025 kl. 10.16Sagt er frá því á vef Húnaþings vestra að nú á dögunum tóku nokkrir vaskir menn sig saman og smíðuðu palla á folf-völlinn á Hvammstanga. „Það er ánægjulegt að sjá svona frumkvæði hjá þessum óeigingjörnu sjálfboðaliðum. Sveitarfélagið færir öllum hlutaðeigandi sínar bestu þakkir,“ segir í fréttinni.Meira -
Ingibergur bar sigur úr býtum á Opna Húnavökumótinu
feykir.is Austur-Húnavatnssýsla, Íþróttir, Lokað efni 22.07.2025 kl. 08.38Opna Húnavökumót Golfklúbbsins Óss á Blönduósi í samstarfi við Borealis fór fram laugardaginn 19. júlí í mildu veðri á Vatnahverfisvelli. Alls voru 27 keppendur skráðir til leiks og var ræst út stundvíslega kl. 10 af formanni klúbbsins, Eyþóri Franzsyni Wecher, og mótastjóra, Valgeiri M. Valgeirssyni. Leiknar voru 18 holur í punktakeppni með forgjöf í einum flokki.Meira -
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira
