Söfnun vegna fjárskaða á Norðurlandi
Hleypt hefur verið af stokkunum fjársöfnun til stuðnings bændum vegna fjárskaða og tjóna er hlutust af óveðrinu á Norðurlandi í september. Verkefnið var kynnt í dag í húsakynnum Mjólkursamlags KS á Sauðárkróki í tengslum við að nú standa yfir svokallaðir Bændadagar í Skagafirði. Átta milljónum var heitið á fundinum frá Kaupfélagi Skagfirðinga og Landsbanka Íslands til söfnunarinnar.
Sérstök verkefnisstjórn hefur verið skipuð til að hafa umsjón með söfnuninni og móta reglur um hana og er skipuð þeim Guðna Ágústssyni fv. landbúnaðarráðherra sem jafnframt er formaður, Dagbjörtu Bjarnadóttur oddvita Skútustaðahrepps, Jóni Aðalsteini Baldvinssyni fv. vígslubiskupi á Hólum, Friðriki Friðrikssyni fv. sparisjóðsstjóra á Dalvík og Þórarni Inga Péturssyni formanni Landssamtaka sauðfjárbænda.
Guðni Ágústsson tekur við framlagi Kaupfélags Skagfirðinga úr höndum Bjarna Maronssonar stjórnarformanns félagsins.
Fram kom í ræðu Guðna Ágústssonar að vel færi á því að setja söfnunina af stað þar sem skagfirska efnahagskerfið blómstrar hvað best enda lagði KS fimm milljónir króna í söfnunina. Útibú Landsbankans á Sauðárkróki, Akureyri og á Húsavík lögðu hvert um sig eina milljón króna.
Inga Karlsdóttir útibússtjóri Landsbankans á Akureyri afhenti söfnuninni þrjár milljónir fyrir hönd útibúanna á Sauðárkróki, Akureyri og Húsavík.
Þeir sem vilja styðja við bakið á málefninu geta lagt framlög inn á reikning nr. 0161-15-380370, kt. 630885-1409, í Landsbankanum á Sauðárkróki.
Landssamtök sauðfjárbænda vænta góðra viðbragða fyrirtækja og einstaklinga enda ljóst að margir bændur hafa orðið fyrir miklu tjóni.
Fleiri fréttir
-
Vel heppnað þorrablót Félags eldri borgara í Húnaþingi vestra
feykir.is Vestur-Húnavatnssýsla, Mannlíf, Lokað efni 25.01.2026 kl. 15.41Félags eldri borgara í Húnaþingi vestra hélt sitt árlega þorrablót í Félagsheimilinu Hvammstanga í gær og þar var að sjálfsögðu allt upp á tíu. Nærri 120 manns komu þar saman og skemmtu sér konunglega.Meira -
Hreint ekki eins og atvinnuviðtal | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.01.2026 kl. 15.14Mér finnst einhvern veginn eins og þeir sem vilja að við göngum í Evrópusambandið ættu öðrum fremur að vera með það á hreinu hvers konar ferli fer í gang þegar ríki sækir um inngöngu í sambandið. Grímur Grímsson, þingmaður Viðreisnar, er það hins vegar greinilega ekki. Nema hann tali gegn betri vitund. Í umræðum á Alþingi 20. janúar líkti hann því þannig við einfalt atvinnuviðtal. Upplýsingar um ferlið er víða að finna. Ekki sízt á vefsíðum Evrópusambandsins. Til að mynda má benda Grími á sérstakan upplýsingabækling sem Evrópusambandið hefur gefið út til þess að útskýra umsóknarferlið.Meira -
Kjúklingakarrí og lambaréttur | Matgæðingar Feykis
feykir.is Skagafjörður, Í matinn er þetta helst, Lokað efni 25.01.2026 kl. 13.19Matgæðingar vikunnar í tbl. 32 - 2025 í Feyki voru Anna Icban og Þorgeir Freyr Sveinsson. Anna er fædd og uppalin á Filippseyjum og er frá höfuðborginni, Manila. Svo slysaðist hún á að hitta Þorgeir á stefnumótaforriti og nú býr hún í Reykjavík og vinnur á Alþingi. Þorgeir er fæddur og uppalinn í Skagafirði, í Akrahreppi, í eina fjölbýlishúsinu þar, þ.e. á Frostastöðum. Hann vinnur í Háskóla Íslands, nánar tiltekið á prófaskrifstofu háskólans.Meira -
Njarðvíkingar kaffærðir í Síkinu
feykir.is Skagafjörður, Íþróttir, Lokað efni 24.01.2026 kl. 14.38Feykir hafði spáð hörkuleik í Síkinu í gærkvöldi þegar Njarðvíkingar sóttu Stólana heim í Bónus deild karla. Það má kannski öllu nafn gefa og kannski var þetta hörkuleikur en ekki var hann spennandi. Heimamenn tóku öll völd í fyrsta leikhluta og gestirnir fengu ekki rönd við reist þegar eimreið Stólanna brunaði ítrekað yfir þá. Mestur varð munurinn 35 stig í þriðja leikhluta en gestirnir löguðu stöðuna í fjórða leikhluta. Lokatölur 113-92.Meira -
Norðurland vestra fékk 772 milljónir til sóknaráætlana á fimm ára tímabili
feykir.is Skagafjörður, Austur-Húnavatnssýsla, Vestur-Húnavatnssýsla 24.01.2026 kl. 13.58Nýverið kom út greinargerð um sóknaráætlanir landshluta fyrir árin 2020 - 2024. Í þessari greinargerð Byggðastofnunar og stýrihóps Stjórnarráðsins um byggðamál er gerð grein fyrir ráðstöfun fjárframlaga til sóknaráætlunarsamninga og framkvæmd þeirra á samningstímabilinu 2020-2024.Meira
