Stefnt á að sýna Ronju ræningjadóttur í haust
Leikfélag Sauðárkróks stefnir á að setja upp leikritið um Ronju ræningjadóttur í haust en fyrsti fundur vegna verkefnisins verður haldinn í Leikborg á morgun fimmtudag. Í tilkynningu frá félaginu segir að óskað sé eftir fólki til að leika og starfa við sýninguna því ýmis verkefni þarf að manna og leysa. Leikstjóri verður Sigurlaug Vordís Eysteinsdóttir.
„Við biðjum alla þá sem ætla að vera með innan sviðs sem utan að mæta á fundinn eða láta vita fyrir fundinn svo við vitum hvort við náum að manna allar stöður,“ segir Sigurlaugu Dóra Ingimundardóttir, formaður LS. Ef einhverjar spurningar kunna að koma upp varðandi þetta eða viðkomandi kemst ekki á fyrsta fund er hægt að hafa samband formanninn í síma 8625771 fyrir fund. Aldurstakmark miðast við 10. bekk og eldri.
Ronja ræningjadóttir er aðalpersóna samnefndrar barnabókar eftir sænska rithöfundinn Astrid Lindgren en bókin kom fyrst út árið 1981. Sagan hefur verið þýdd á fjölmörg tungumál og bæði verið sett á svið víða um heim og kvikmynduð.
Ronja ræningjadóttir er barnaleikrit með söngvum og fjallar um dóttur ræningjaforingjans Mattíasar og hvað gerist þegar hún tekur upp á því að vingast við son erkióvinar hans. Matthías er foringi ræningjaflokks og væntir þess að Ronja verði leiðtogi flokksins þegar fram líða stundir. Í skóginum er kastali sem splundrast hefur í tvennt og búa þau feðgin í öðrum helmingi hans ásamt ræningjaflokki Matthíasar. Í hinum helmingnum býr ræningjaflokkur undir forystu Borka nokkurs og ríkja mikil illindi á milli flokkanna tveggja.
Borki á son að nafni Birkir og er hann fyrsta barnið sem Ronja hittir. Stuttu eftir að þau hittast fyrst bjargar Ronja honum úr háska og þau verða góðir vinir í kjölfarið en gæta þess að halda vináttu sinni leyndri. Seinna hlaupast þau á brott frá feðrum sínum, búa í helli og upplifa ýmis ævintýri. Að lokum sameinast fjölskyldurnar og sjá eftir óheiðarleika sínum og sögunni lýkur með því að Ronja og Birkir ákveða að ræningjalífið sé ekki það líf sem þau vilja lifa.
Fleiri fréttir
-
Myndlistin blómstrar á Höfðaströndinni
feykir.is Skagafjörður, Listir og menning, Mannlíf, Lokað efni 23.06.2025 kl. 15.40Hesturinn, stelpan og hálendið. Svo nefnist myndlistarsýning sem núna er í gangi á Listamiðstöðinni í Bæ á Höfðaströnd.Listakonan Michelle Bird, sem kemur upphaflega frá Bandaríkjunum, sýnir þar verk sín.Meira -
Súpuröltið sló rækilega í gegn á Hofsós heim
feykir.is Skagafjörður, Listir og menning, Mannlíf, Lokað efni 23.06.2025 kl. 15.03Það kom fram í viðtali vegna Hofsós heim í Feyki að gengið hefði verið frá pöntun á góðu veðri fyrir helgina. Það skilaði sér upp á tíu því veðursæld var allan tímann – aðeins hálftíma hellidemba á laugardagskvöldinu til að kæla gesti niður.Meira -
Fótboltastelpur voru í aðal hlutverki á Króknum um helgina
feykir.is Skagafjörður, Íþróttir 23.06.2025 kl. 14.25Stelpu hluti Króksmóts ÓB 2025 fór fram um helgina og tókst gríðar vel. Á Fb. Síðunni ÓB mót Tindastóls má finna eftirfarandi:Meira -
Tveir bikarleikir á Sauðárkróksvelli í dag
feykir.is Skagafjörður, Íþróttir 23.06.2025 kl. 12.51Barna- og unglingaráð knattspyrnudeildar Tindastóls vill vekja athygli á því að í dag, mánudaginn 23. júní, verða spilaðir tveir bikarleikir á Sauðárkróksvelli. Fyrri leikurinn byrjar kl. 16:00 en þá tekur THK á móti Þór í 4. flokki karla. Seinni leikurinn er hjá 3. flokki karla og taka þeir á móti KA kl. 19:00. Allir á völlinn!Meira -
Páll Leó sigraði á Húnabyggð Open 2025
feykir.is Austur-Húnavatnssýsla, Íþróttir, Lokað efni 23.06.2025 kl. 10.10Opna skákmótið Húnabyggð Open 2025 fór fram í Krúttinu á Blönduósi á föstudaginn og var leikið eftir svissnesku aðferðinni. Tefldar voru fimm umferðir með tímamörkunum 5+2.Meira
