Ströggl á Stólunum en gott stig í hús gegn Fjallabyggð
Það er ströggl á Stólunum í 2. deild karla í knattspyrnu. Strákunum hefur verið fyrirmunað að vinna leiki síðustu vikurnar og er liðið því með falldrauginn nartandi í hælana á sér. Í gærkvöldi náðust þó ágæt úrslit á Ólafsfjarðarvelli þegar leikið var við grannana í Fjallabyggð. Lokatölur urðu 2-2.
Það var Benjamín Gunnlaugarson sem kom Stólunum yfir strax á 9. mínútu en Alexander Þorláksson jafnaði leikinn um miðjan fyrri hálfleik og kom heimamönnum síðan yfir rétt fyrir hlé. Stólarnir máttu alls ekki við því að tapa leiknum, enda var liðið í fallsæti fyrir umferðina, og það var því kærkomið þegar Ben Griffiths jafnaði leikinn á 84. mínútu og þar við sat.
Um síðustu helgi spilaði lið Tindastól við Ægi í Þorlákshöfn en liðin voru bæði með 17 stig fyrir umferðina og voru í 10.–11. sæti. Tindastóll var – og er – með mun slakari markatölu en Ægir, sat því í fallsætinu, og mikilvægt að ná sigri. Haukur Eyþórsson kom Tindastólsmönnum yfir á 31. mínútu en William Daniels jafnaði fyrir Ægi á 44. mínútu. Fleiri mörk voru ekki gerð í leiknum og lokatölur 1-1.
Með stiginu í gær á Ólafsfirði náðu Stólarnir að klóra sig upp fyrir lið Ægis og eru í 10. sæti deildarinnar með 19 stig líkt og Njarðvík, en Suðurnesjamenn eru með heldur skárri markatölu. Sindri og KF eru rétt fyrir ofan og fallslagurinn því kominn á fullt. Þrjár umferðir eru nú eftir og er næsti leikur Tindastóls hér heima gegn Hetti á laugardaginn kl. 14:00.Áfram Tindastóll!
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
