Sundpokar geta verið varasamir
Í fréttatilkynningu frá Vátryggingafélagi Íslands er vakin athygli á því að sundpokar svokallaðir geti verið varasamir en dæmi eru fyrir því að böndin á pokunum hafi farið utan um háls barna og þrengt að öndunarvegi.
„Mörg börn nota svokallaða sundpoka undir eitt og annað sem þau þurfa að hafa með sér á ferðum sínum. Pokarnir eru einfaldir og handhægir og henta t.d. vel undir sundfötin, nestið, skóna eða hvaðeina annað smálegt sem taka þarf með. Sumir pokanna eru með riflásum á böndunum sem gefa eftir ef átak kemur á bandið. Þeir eru þó í minnihluta og mikilvægt að átta sig á hættunni ef slíkir riflásar er ekki til staðar. Dæmi eru um að böndin hafi farið utan um háls barna og þrengt að öndunarvegi,“ segir í tilkynningunni.
Greint er frá slíku atviki sem átti sér stað á Akureyri í sumar þegar drengur var að hjóla heim til sín með sundpoka á bakinu og hafði í ógáti sett böndin þannig að þegar á þeim strekktist runnu þau utan um háls hans. Þegar böndin drógust inn í gjörð á hjólinu þrengdu þau hratt að öndunarveginum. Þorvaldur Þorsteinsson faðir stráksins segir það hafa orðið honum til happs að tvær eldri konur hafi borið að.
„Honum tókst ekki sjálfum að losa flækjuna sem var komin utan um hálsinn og átti orðið erfitt með andardrátt. Konurnar losuðu böndin í hvelli og vil ég þakka þeim kærlega fyrir snarræðið. Jafnframt minni ég foreldra á að ræða þessa hættu við börn sín og brýna fyrir þeim að þau vefji böndunum aldrei utan um hálsinn,“ sagði Þorvaldur.
„Taka má heils hugar undir þessi varnaðarorð og benda á að til að minnka hættu á svona slysum getur verið skynsamlegt að stytta böndin á pokunum svo þau flækist síður í eitthvað. Jafnframt sitja pokarnir þá bæði þægilegar og ofar á baki barnanna,“ segir loks í fréttatilkynningu.
Fleiri fréttir
-
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira
