Sýningin 1238: Baráttan um Ísland er til sölu
Í gær mátti sjá á heimasíðu 1238: Baráttan um Ísland að sýningin væri til sölu en rétt rúm sex ár eru síðan opnað var með pomp og prakt í nýuppgerðu húsnæði í Gránu og gamla samlaginu við Aðalgötuna á Sauðárkróki. Sannarlega metnaðarfull og glæsileg sýning sem jók fjölbreytnina í ferðaþjónustu á Norðurlandi vestra. Feykir hafði samband við Freyju Rut Emilsdóttur sem er framkvæmdastjór Sýndarveruleika ehf, sem meðal annars á og rekur sýninguna 1238 og spurði hana út í málið.
„Eftir sex ára ólgusjó í ferðaþjónustu, áskorunum tengdum heimsfaraldri og afleiðingum þess, eftir sex ár af velgengni, ótrúlegum árangri og verulegu framlagi til menningartengdrar ferðaþjónustu, ekki bara í Skagafirði heldur víða um lönd, stöndum við á krossgötum og tilkynnum sölu sýningarinnar 1238 á Sauðárkróki,“ segir Freyja Rut.
Hún segir ástæðuna fyrir þessari vendingu ekki vera vegna þess að verkefnið hafi staðið höllum fæti. „Þvert á móti. Árangurinn segir sína sögu, við höfum opnað gestasýningar 1238 í Reykjanesbæ, í Ungverjalandi og í Noregi. Gestafjöldi eykst ár frá ári og bókunarstaða fyrir næsta sumar er nokkuð góð. Okkur hefur verið boðið að flytja erindi á fjölda ráðstefna um alla Evrópu, bæði fyrir safna- og menningargeirann en líka innan nýsköpunargeirans.“ Freyja bendir á að 1238: Baráttan um Ísland hafi hlotið viðurkenningar á við Framúrskarandi verkefni SSNV, Sproti ársins hjá Markaðsstofu Norðurlands og Heritage in Motion á vegum evrópskra safnasamtaka auk fjölda annarra tilnefninga.
„Verkefnið er velheppnað uppbyggingar- og nýsköpunarverkefni innan ferðaþjónustu sem íbúar Skagafjarðar geta og ættu að vera stoltir af. Þegar forsvarsmenn sveitarfélagsins áttu frumkvæði að samstarfi við Sýndarveruleika ehf um uppbyggingu ferðaþjónustu sem heilsársatvinnugreinar var verkefninu alltaf ætlað að verða fyrsta skrefið. Við teljum að við höfum sýnt þannig árangur að nú sé rétt að gefa boltann til þeirra sem vilja taka næsta skrefið. Það er í eðli frumkvöðlastarfsemi þessi áhersla og vilji til að standa að uppbyggingu og nýsköpun og við erum að færa okkar áherslur á önnur slík verkefni.“
Fleiri fréttir
-
Samdi lagið á gítarinn hans pabba
feykir.is Vestur-Húnavatnssýsla, Lokað efni 08.11.2025 kl. 09.00Emelía Íris Benediktsdóttir oftast kölluð Íris er 15 ára nemandi í tíunda bekk Grunnskóla Húnaþings vestra. Hún er dóttir Sigrúnar Birnu Gunnarsdóttur og Benedikts Guðna Benediktssonar en hann spilar einmitt á gítar og hefur líka mikinn áhuga á tónlist og lítur Íris mikið upp til hans fyrir það að eigin sögn. Eldri systur Írisar eru Rakel Jana og Arnheiður Diljá, þær æfðu m.a. á píanó og Diljá er einnig í söngnámi núna og er sjálf að prófa sig áfram í því að semja tónlist. Eldri bróðir hennar, Ástvaldur Máni, spilar á trommur og yngri fósturbróðir hennar æfir á trommur líka, Darius Gunnar, svo það er óhætt að segja að það sé mikið um tónlist í kringum Írisi.Meira -
Heimtur virðast vera góðar
feykir.is Skagafjörður, Lokað efni 07.11.2025 kl. 17.09Þessa bráðskemmtilegu drónamynd hér að ofan tók Halldór Gunnar Hálfdansson bóndi á Molastöðum í Fljótum í síðustu viku þegar veturinn lét á sér kræla. Feykir nýtti tækifærið og spurði bóndann út í veður og heimtur.Meira -
„Með gleðina og keppnisskapið að vopni getur leikurinn unnist“
feykir.is Íþróttir, Vestur-Húnavatnssýsla, Mannlíf, Lokað efni 07.11.2025 kl. 12.51Húnvetningar eru duglegir að stunda blak og hefur Feykir áður sagt frá liði Hvatar á Blönduósi. Birnur í Húnaþingi vestra eiga sér lengri sögu í blakinu en þær eru nú með lið í 5. deild Íslandsmótsins. Feykir dembdi nokkrum spurningum á S. Kristínu Eggertsdóttur formann blakfélagsins Birna og hjúkrunarfræðing hjá HSV á Hvammstanga. Hún segir að iðkendur séu að jafnaði 12-14 talsins á æfingum, þeir yngstu eru í 9. bekk grunnskóla og svo upp úr, konur og karlar æfa saman og eru æfingar tvisvar í viku, á þriðjudags- og fimmtudagskvöldum.Meira -
Háskólinn á Hólum tekur þátt í ArcticKnows verkefninu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 07.11.2025 kl. 11.11Þann 1. október síðastliðinn var ýtt úr vör þverfaglegu rannsóknarverkefni sem beinir sjónum að mótun sameiginlegra leiða til sjálfbærra atvinnuhátta á Norðurslóðum með því að byggja brýr milli vísindalegrar og staðbundinnar þekkingar. Verkefnið nefnist ArcticKnows og er styrkt af Horizon Europe áætlun Evrópusambandsins (Innovation Action).Meira -
Kynning hafin á fyrirkomulagi sameiningarkosninga
feykir.is Vestur-Húnavatnssýsla 07.11.2025 kl. 10.01Kynningarbæklingur vegna íbúakosninga um sameiningu Húnaþings vestra og Dalabyggðar hefur verið settur í dreifingu og ætti nú væntanlega að hafa borist inn á heimili í báðum sveitarfélögum. Heimili sem hafa afþakkað fjölpóst og fríblöð hafa væntanlega ekki fengið bæklinginn en hægt er að nálgast hann á rafrænu formi fyrir þá sem vilja kynna sér innihald hans á kynningarsíðunni dalhus.is.Meira
