Tælenskur réttur og pastasalat | Matgæðingar vikunnar
Matgæðingar í tbl. 29 að þessu sinni voru Jóhann Axel Guðmundsson og konan hans Mariko Morita og búa þau á Selfossi ásamt dóttur þeirra Írisi Þóru. Jóhann Axel er alinn upp á Fjalli í Sæmundarhlíð en vill meina að hann sé Varmhlíðingur og eini Skagfirðingurinn í sinni fjölskyldu, fæddur og uppalinn. Hin eru aðflutt aðkomufólk. Mariko er frá Hamamatsu í Japan en þaðan koma þau víðfrægu Yamaha hljóðfæri. Jóhann vinnur í Hveragerði hjá Ölverk og Mariko vinnur á Selfossi á Kaffi krús, endilega kíkið í kaffi. „Jæja, tvennt á boðstólum þessa vikuna, haldið ykkur,“ segir Jóhann hress.
RÉTTUR 1
Pad Kra Pao - Tælandi
600 g hakk - hvaða hakk sem er
35 g saxaður hvítlaukur (einn heill, tveir er líka fínt)
5 grænir tælenskir chilipiparar
5 rauðir tælenskir chilipiparar (einnig kallað bird's eye chili. Hér ber að vara fólk við að setja allan piparinn, fyrir skemmra komna er ágætt að byrja á tveimur af hverju)
50 g saxaðar gulrætur
eitt búnt af ferskum basil
45 g ostrusósa
22 g fiskisósa
20 g pálmasykur, eða bara sykur
soðin hrísgrjón
4 steikt egg
Aðferð: Blandið fiski- og ostrusósunum saman við sykurinn, leggið til hliðar. Steikið hvítlaukinn í olíu, passlega, því næst gulræturnar aðeins. Steikið hakkið þar næst með hinu. Setjið sósurnar saman við þegar hakkið er næstum fullsteikt. Slökkvið undir og setjið saxað ferskt basil saman við. Allt endar þetta í skál með hrísgrjónum og eggi ofan á.
RÉTTUR 2
Pastasalat
Soðið pasta, þetta klassíska beina
heil agúrka, skorin í bita
heill pakki af skinku, skorin smátt
smátt skorinn laukur í strimlum, má sleppa
passlegt magn af Kewpie mæjói
Aðferð: Sjóðið pasta, leyfið því að kólna, og kælið í ísskáp. Blandið svo öllu saman, þegar pastað er orðið kalt.
RÉTTUR 3
Bónusuppskrift – Klassískir Mummar
Lambarifjur, sem sagt bara rifjabitar, afsagað af skrokki. Fæst í haust í kjötborði KS, ef þessi uppskrift slær í gegn. Fyrstir koma fyrstir njóta.
500 g smjörlíki
kryddið að smekk
Aðferð: Steikið á pönnu, harðsteikt er best. Gott með kartöflum.
Njótið!
„Til að viðhalda hinu skagfirska og alþjóðlega, tilnefnum við Mariko og Íris Þóra gamlan vin minn frá Frostastöðum og konu hans, Þorgeir Frey Sveinsson og Önnu Icban sem næstu matgæðinga. Ég veit að Anna eldar góðan mat. Þorgeir er ágætur veiðimaður.“
Fleiri fréttir
-
Samdi lagið á gítarinn hans pabba
feykir.is Vestur-Húnavatnssýsla, Lokað efni 08.11.2025 kl. 09.00Emelía Íris Benediktsdóttir oftast kölluð Íris er 15 ára nemandi í tíunda bekk Grunnskóla Húnaþings vestra. Hún er dóttir Sigrúnar Birnu Gunnarsdóttur og Benedikts Guðna Benediktssonar en hann spilar einmitt á gítar og hefur líka mikinn áhuga á tónlist og lítur Íris mikið upp til hans fyrir það að eigin sögn. Eldri systur Írisar eru Rakel Jana og Arnheiður Diljá, þær æfðu m.a. á píanó og Diljá er einnig í söngnámi núna og er sjálf að prófa sig áfram í því að semja tónlist. Eldri bróðir hennar, Ástvaldur Máni, spilar á trommur og yngri fósturbróðir hennar æfir á trommur líka, Darius Gunnar, svo það er óhætt að segja að það sé mikið um tónlist í kringum Írisi.Meira -
Heimtur virðast vera góðar
feykir.is Skagafjörður, Lokað efni 07.11.2025 kl. 17.09Þessa bráðskemmtilegu drónamynd hér að ofan tók Halldór Gunnar Hálfdansson bóndi á Molastöðum í Fljótum í síðustu viku þegar veturinn lét á sér kræla. Feykir nýtti tækifærið og spurði bóndann út í veður og heimtur.Meira -
„Með gleðina og keppnisskapið að vopni getur leikurinn unnist“
feykir.is Íþróttir, Vestur-Húnavatnssýsla, Mannlíf, Lokað efni 07.11.2025 kl. 12.51Húnvetningar eru duglegir að stunda blak og hefur Feykir áður sagt frá liði Hvatar á Blönduósi. Birnur í Húnaþingi vestra eiga sér lengri sögu í blakinu en þær eru nú með lið í 5. deild Íslandsmótsins. Feykir dembdi nokkrum spurningum á S. Kristínu Eggertsdóttur formann blakfélagsins Birna og hjúkrunarfræðing hjá HSV á Hvammstanga. Hún segir að iðkendur séu að jafnaði 12-14 talsins á æfingum, þeir yngstu eru í 9. bekk grunnskóla og svo upp úr, konur og karlar æfa saman og eru æfingar tvisvar í viku, á þriðjudags- og fimmtudagskvöldum.Meira -
Háskólinn á Hólum tekur þátt í ArcticKnows verkefninu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 07.11.2025 kl. 11.11Þann 1. október síðastliðinn var ýtt úr vör þverfaglegu rannsóknarverkefni sem beinir sjónum að mótun sameiginlegra leiða til sjálfbærra atvinnuhátta á Norðurslóðum með því að byggja brýr milli vísindalegrar og staðbundinnar þekkingar. Verkefnið nefnist ArcticKnows og er styrkt af Horizon Europe áætlun Evrópusambandsins (Innovation Action).Meira -
Kynning hafin á fyrirkomulagi sameiningarkosninga
feykir.is Vestur-Húnavatnssýsla 07.11.2025 kl. 10.01Kynningarbæklingur vegna íbúakosninga um sameiningu Húnaþings vestra og Dalabyggðar hefur verið settur í dreifingu og ætti nú væntanlega að hafa borist inn á heimili í báðum sveitarfélögum. Heimili sem hafa afþakkað fjölpóst og fríblöð hafa væntanlega ekki fengið bæklinginn en hægt er að nálgast hann á rafrænu formi fyrir þá sem vilja kynna sér innihald hans á kynningarsíðunni dalhus.is.Meira
