Upprennandi skagfirskir uppfinningamenn
Skagfirskir nemendur komust til úrslita með uppfinningu sína í Nýsköpunarkeppni grunnskólanemenda á dögunum. Um er að ræða keppni í nýsköpun fyrir alla aldurshópa grunnskólans en tilgangur keppninnar er að virkja sköpunarkraft barna og unglinga í landinu.
Af þeim 39 nemendum sem komust til úrslita voru fimm nemendur úr Skagafirði. Tveir þeirra voru úr Árskóla, þau Gunnar Ásgrímsson með uppfinningu sína Jólaseríu hjálpari og Lára Vilhelmsdóttir með svokallaða Ljósmoppu. Tveir nemendur úr Grunnskólanum austan vatna, þau Ólöf Birna Andradóttir með Fjölbreyttu uppskriftabókina og Stefanía Malen með svonefnda Stigastöng. Einnig komst Hrafnhildur Gunnarsdóttir úr Varmahlíðarskóla áfram með uppfinningu sína Gaddasvamp.
Þeir nemendur sem komust áfram verður svo boðið í vinnusmiðju sem fer fram í Háskólanum í Reykjavík, dagana 8. - 9. september nk. Markmið Vinnusmiðjunnar er að hver keppandi fái tækifæri til að útfæra hugmynd sína nánar. Að því loknu tekur verðlaunanefnd við og vinna stigahæstu hugmyndirnar til verðlauna. Lokahóf verður svo haldið í Marel sunnudaginn 11. september.
Nánar má sjá um keppnina hér.
Fleiri fréttir
-
Það er mikill uppgangur í Golfklúbbi Skagafjarðar
feykir.is Skagafjörður, Íþróttir, Lokað efni 14.07.2025 kl. 14.55Meistaramót GSS 2025 fór fram dagana 7.-12. júlí á Hlíðarendavelli. Metþátttaka var í meistaramótinu en 30% klúbbfélaga voru skráðir til leiks eða samtals 103 kylfingar. Meistaramótið er fyrir alla félagsmenn GSS, flokkar við allra hæfi. Í barna og unglingaflokkum voru 29 þátttakendur sem léku í 4 flokkum en þátttakendur í fullorðinsflokkum voru 74 sem léku í 8 flokkum.Meira -
Spænskur leikstjórnandi í kvennalið Tindastóls
feykir.is Skagafjörður, Íþróttir, Lokað efni 14.07.2025 kl. 10.42Tindastóll hefur gengið frá samningi við spænska leikstjórnandann, Alejandra Quirante, fyrir komandi tímabil í úrvalsdeild kvenna í körfuknattleik. Í tilkynningu frá körfuknattleiksdeild Tindastóls segir að Alejandra komi til liðsins með reynslu úr efstu deild á Spáni og er ætlað að leiða liðið á vellinum.Meira -
Forseti Íslands heimsækir Hóla
feykir.is Skagafjörður, Listir og menning, Mannlíf 14.07.2025 kl. 09.02Hólahátíðin verður helgina 16.-17. ágúst. Að þessu sinni verður Hólahátíð barnanna laugardaginn 16. ágúst og mun skátafélagið Eilífsbúar sjá um dagskrá fyrir börn og fjölskyldur í fögru umhverfi Hólastaðar. Farið verður í leiki og þrautir, gengið um í skóginum, söngstund í kirkjunni og grillað við Auðunarstofu. Á sunnudeginum verður að venju hátíðarmessa í Hóladómkirkju kl. 14, síðan veitingar efir messu og hátíðardagskrá í kirkjunni kl. 16:10.Meira -
Gamall refur gerði Stólunum grikk
feykir.is Skagafjörður, Íþróttir, Lokað efni 13.07.2025 kl. 22.56Stólarnir fóru helst til þunnskipaðir austur á Höfn um helgina og léku við lið Sindra. Stólarnir voru fyrir leikinn í sjötta sæti en Hornfirðingar í níunda sæti. Staða liðanna breyttist ekki en þau gerðu 2-2 jafntefli þar sem gamall markarefur og fyrrum leikmaður Tindastóls jafnaði metin á lokakaflanum.Meira -
Þrjú stig sótt á Seltjarnarnesið
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.07.2025 kl. 18.54Eftir þrjá svekkjandi tapleiki í röð gerðu liðsmenn Kormáks/Hvatar góða ferð suður á Seltjarnarnes og að leik loknum var risið á heimamönnum bæði lítið og lágt. Gestirnir áttu góðan leik í fyrri hálfleik og leiddu 1-2 ú hálfleik og í síðari hálfleik var varist með kjafti og klóm og þó Gróttverjar gerðu sitt besta til að jafna þá tókst það ekki. Lokatölur 1-2 og mikilvæg þrjú stig í hús.Meira
