Víða vantar fólk til starfa
Athygli vekur hve fjölmörg störf eru auglýst laus til umsóknar á Norðurlandi vestra um þessar mundir, um er að ræða bæði framtíðarstörf og í sumarafleysingar. Í Feyki í dag er auglýst eftir rannsóknarmanni við sjávarlíftæknisetrið Biopol á Skagaströnd. Þá eru auglýst nokkur laus störf við lúxushótelið að Deplum í Fljótum, eins og greint var frá hér á Feyki.is í morgun.
Á Starfatorg.is er að finna upplýsingar um laus störf hjá ríkinu. Þar eru auglýstar 20 lausar stöður á Norðurlandi vestra, 13 á Sauðárkróki, 4 á Blönduósi og 3 á Hvammstanga. Flestar eru stöðurnar hjá Heilbrigðisstofnun Norðurlands en einnig hjá Heilbrigðisstofnun Vesturlands á Hvammstanga. Þá er jafnframt auglýst laus staða aðstoðarverslunarstjóra hjá Vínbúðinni Sauðárkróki.
Á HSN á Sauðárkróki og Blönduósi er m.a. auglýst eftir sérfræðilækni í heimilislækningum, lífeindafræðing, ljósmóður, sjúkraliðum, hjúkrunarfræðingum, hjúkrunarnema, ritara á rannsóknarstofu, móttökuritara, starfsmönnum í ræstingar og þvottahús, starfsmönnum í eldhús og í aðhlynningu.
Á HVE á Hvammstanga er auglýst eftir hjúkrunardeildarstjóra, læknaritara og aðstoðarmatráð.
Þá auglýsir Sveitarfélagið Skagafjörður líka eftir starfsfólki. Þrjár fastar stöður, þ.e. sálfræðingi, sundlaugaverði við Sundlaug Sauðárkróks og dagforeldri. Sömuleiðis 13 sumarstörf í frístunda- og íþróttamálum. Störfin sem um ræðir eru í íþróttahúsi, flokkstjórar vinnuskóla, á íþróttavelli, starfsmenn Sumar-Tím og í sundlaugum.
Í Sjónhorninu sem kom út í dag er fyrrnefnd auglýsing eftir starfsfólki á Depla, þá auglýsir ISS einnig eftir starfsfólki á Sauðárkróki og Varmahlíð. Fyrr í mánuðinum var óskað eftir starfsfólki á Verslunina Eyri og á Bláfell á Sauðárkróki.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
