Skagafjörður

Gagna­vers­fyr­ir­tækið Bor­eal­is Data Center, sem rek­ur gagna­ver á Finnlandi og á Íslandi, nánartiltekið á Blönduósi, Fitj­um í Reykja­nes­bæ og á Korpu­torgi í Reykja­vík, hef­ur tryggt sér um 21 millj­arðs króna fjár­mögn­un til að styðja við frek­ari vöxt á Íslandi og á Norður­lönd­un­um. Þá var fyrirtækinu veitt heiðursverðlaun UT-verðlauna Ský árið 2025 um sl. helgi á UT messunni sem haldin var í Hörpunni.

Barna- og unglingaráð körfuknattleiksdeildar Tindastóls fékk um miðjan janúar að gjöf frá Fisk Seafood sérstaka íþróttamyndavél sem tekur upp og streymir frá leikjum í beinni útsendingu. Þessi gjöf er nú þegar farin að nýtast einkar vel því vélin var strax tekin í notkun og búið að sýna frá nokkrum leikjum. Nú geta allar ömmur og afar fylgst með í stofunni heima, frændur og frænkur erlendis frá eða foreldrar og aðrir forráðamenn sem komast ekki á alla leiki. Þá nýtist vélin einnig í þjálfun, en þjálfarar geta nú horft á upptökur af leikjum og greint tækifæri til bætinga. 

Vel heppnaður og fjölmennur fundur fór fram í Salnum í Kópavogi á laugardaginn þar sem Guðrún Hafsteinsdóttir, þingmaður Sjálfstæðisflokksins og fyrrverandi dómsmálaráðherra, lýsti yfir framboði sínu til formennsku í flokknum á landsfundi hans um næstu mánaðarmót. Fólk bæði alls staðar að af landinu og alls staðar úr Sjálfstæðisflokknum mætti á staðinn og féll ræða Guðrúnar ljóslega í afar góðan jarðveg hjá viðstöddum sem klöppuðu ákaft og ítrekað á meðan á henni stóð.

Hjólreiðar eru að verða sífellt vinsælli ferðamáti, bæði hvað varðar ferðalög til og frá vinnu en einnig í frístundum. Hjólaferðamennsku hefur einnig vaxið fiskur um hrygg undanfarið og þann 24. febrúar næstkomandi býður Samband sveitarfélaga á Norðurlandi vestra upp á spennandi viðburð þar sem skoðaðir eru möguleikar í hjólaferðaþjónustu og hvernig hægt er að nýta hjólreiðar sem hluta af öflugri ferðaþjónustu, segir á heimasíðu Húnþings vestra.

Nemendafélag Fjölbrautaskóla Norðurlands vestra frumsýnir fimmtudaginn 13. febrúar nk. Rocky Horror sem þarf nú sennilega ekki að kynna mikið fyrir fólki frekar en leikstjórann Eystein Ívar Guðbrandsson sem leikið hefur í uppsetingum Leikfélags Sauðárkóks frá unga aldri, en fyrir þá lesendur sem ekki þekkja Eystein þá er hann einn af sex systkinum í miðju hollinu, á tvær eldri systur, eina yngri og tvo yngri bræður. Hann er sonur Guðbrandar J. Guðbrandssonar og Sigurlaugar Vordísar Eysteinsdóttur, fæddur og uppalinn á Sauðárkróki.

Matgæðingar vikunnar í tbl 30, 2024, voru Muggur og Lóa (Guðmundur Árnason og Ólöf Hartmannsdóttir) en þau búa á Sólvöllum, Skagfirðingabraut 15, á Sauðárkróki. Mugg þekkja flestir á Króknum en hann hefur verið vallarstjóri á golfvellinum í rúm 20 ár en Lóa starfar sem grunnskólakennari í Árskóla.

Kennnarar héldu samstöðufundi á í það minnsta fjórum stöðum á landinu í gær, þar með talið á Sauðárkróki, þar sem þeir vildu setja þrýsting á ríkisstjórnina að beita sér fyrir því að samið verði við kennara. Um 70 kennarar mættu á Kirkjutorgið á Sauðárkróki og stóðu þétt saman.

Á morgun, þriðjudaginn 11. febrúar, er að venju 112 dagurinn og verður hann haldinn hátíðlegur um land allt. Dagsetningin 11. 2. á að minna okkur á neyðarnúmer allra landsmanna, 112 og er mikilvægt að minna á þetta númer af því þetta er eina númerið sem landsmenn þurfa að þekkja í neyð.

Nú er opið fyrir styrki til atvinnumála kvenna og er umsóknarfrestur til og með 14. mars. Hægt er að sækja um styrki til vöruþróunar, markaðssetningar og vegna launakostnaðar (fyrir nýlega stofnuð fyrirtæki), Hámarksstyrkur er 4 m.kr. og er hægt að sækja um styrki fyrir helmingi kostnaðar. Einnig er hægt að sækja um styrki til gerðar viðskiptáætlana að upphæð kr. 600.000.

Það er komið að næsta íþróttagarpi en það er engin önnur en Súsanna Guðlaug Halldórsdóttir. Súsanna er fædd árið 2009 í Árósum í Danmörku en flutti 18 mánaða á Ríp 3 í Hegranesinu í Skagafirði. Foreldrar hennar eru Hildur Þóra Magnúsdóttir og Halldór Brynjar Gunnlaugsson en hún á einnig tvo eldri bræður, þá Magnús Hólm og Brynjar Þór.