Skagafjörður

Þessa vikuna stendur yfir Eldvarnarátak Landssambands slökkviliðs- og sjúkraflutningamanna LSS. Er þetta árlegt átak þar sem slökkviliðsmenn um allt land heimsækja börn í 3. bekk í grunnskólum landsins. Brunavörnum Skagafjarðar verða á ferðinni næstu vikurnar að heimsækja öll átta ára börn í Skagafirði. Tilgangur heimsóknarinnar er að fræða börnin og fjölskyldur þeirra um eldvarnir. Þetta árið verður mikið lagt upp úr eldhættu sem stafar af notkun og hleðslu raf- og snjalltækja. Þessi tæki á ævinlega að hlaða og geyma í öruggu umhverfi þar sem síður er hætta á að eldur komi upp eða breiðist út með tilheyrandi tjóni og óþægindum. Við þekkjum alltof mörg dæmi um að verulegt tjón hafi orðið vegna þessara tækja.

Á heimasíðu Húnahornsins www.huni.is segir að þann 11. nóvember var haldin hin árleg uppskeruhátíð búgreinafélaga í Austur-Húnavatnssýslu í Félagsheimlinu á Blönduósi þar sem FSAH veitti verðlaun fyrir góðan árangur í sauðfjárrækt.

Dagurinn í dag 16. nóvember er einn fánadaga Íslands. Dagurinn í dag er dagur íslenskrar tungu. Markmið dagsins er að minna á mikilvægi íslenskrar tungu og gleðjast og fagna sögu hennar, samtíð og framtíð eins og segir á vef Stjórnarráðsins.

Uppskeruhátíð Hestamannafélagsins Þyts og HSVH var haldin á dögunum og veitt voru verðlaun fyrir knapa ársins í nokkrum flokkum. Sérstök verðlaun voru einnig veitt Þytsfélaga ársins sem að þessu sinni var Eydís Ósk Indriðadóttir en hún hefur tekið myndir á öllum viðburðum félagsins undanfarin ár. "Það er okkur ómetanlegt að eiga myndefni af öllum þessum viðburðum, hvort sem um er að ræða mót, uppskeruhátið eða af öðrum viðburðum," stóð í tilkynningunni.

Tindastóll/Hvöt/Kormákur í 4. flokki kvenna sendi 23 stelpur í tveimur liðum til leiks á Stefnumót KA í Boganum sl. helgi. Spilað var föstudag, laugardag og sunnudag og stóðu þær sig allar mjög vel og lögðu sig 100% fram. Spilaður var mjög skemmtilegur fótbolti sem skilaði stelpunum í liði eitt sigri í B-deildinni. 

Á morgun fimmtudaginn 16. nóvember verður málþing haldið í aðalbyggingu Háskólans á Hólum í Hjaltadal til heiðurs þeim hjónum Jóni Bjarnasyni, fv. skólastjóra Bændaskólans á Hólum og Ingibjörgu konu hans. Dagskráin hefst stundvíslega kl. 09:30 og lýkur kl.16:00.  Málþingsstjóri er Bjarni Maronsson.

Á vef SSNV segir að íbúakönnun landshlutanna er farin af stað á öllu landinu. Sem fyrr er lögð áhersla á að spyrja þátttakendur aðallega um mat þeirra á búsetuskilyrðum þeirra, almenna velferð, stöðu þeirra á vinnumarkaði og hver framtíðaráform þeirra séu um búsetu.

Á Facebook-síðu Sveitarfélags Skagastrandar voru birtar myndir af vinnuflokki við malbikun í dag. Eru þeir að malbika nýjan göngustíg sjávarmegin við Strandgötuna sem liggur frá Hólanesi niður að smábátahöfn og verður þessi stígur sannkölluð búbót fyrir íbúa Skagastrandar. 

Gulleggið er stærsta frumkvöðlakeppni á Íslandi sem haldin er af KLAK – Icelandic Startups og hefur farið fram árlega síðan 2008. Tilgangurinn er að skapa vettvang fyrir nýjar hugmyndir og koma þeim á framfæri. Að keppninni koma reyndir frumkvöðlar, fjárfestar og sérfræðingar til að veita leiðsögn og gefa endurgjöf. KLAK heldur norður á Akureyri þann 17. nóvember næstkomandi þar sem Háskólinn á Akureyri, í samstarfi við KLAK, mun kynna Gulleggið í Menningarhúsinu Hofi. Þar verða nokkrir bakhjarlar Gulleggsins með kynningarbása ásamt því að tónlistarmaðurinn HÚGÓ mun skemmta fólki.

Á vef Skagafjarðar segir að dagana 6. - 20. október sl. fór fram kosning um nafn á tveimur nýjum götum í frístundabyggð við Varmahlíð en sveitarfélagið auglýsti eftir tillögum frá íbúum um heiti á götunum samhliða auglýsingu á tillögu að deiliskipulagi frístundabyggðarinnar. Fjölmargar tillögur bárust og gafst almenningi svo tækifæri til þess að kjósa um nafn.