Karlakór Bólstaðarhlíðarhrepps náði loks að blása til mannfagnaðar
Loks náði Karlakór Bólstaðarhlíðarhrepps að halda árshátíð sína eftir tvo Covid-takmarkandi vetur en síðasta hátíð þar á undan fór fram í janúar 2020. Samkvæmt venju var samkoman haldin í Húnaveri sl. laugardag og var vel sótt.
Meðal atriða á dagskrá kvöldsins var að heiðra þá félaga sem átt höfðu merkisafmæli frá síðustu árshátíð kórsins. „Við höfum gert þetta í mörg ár, að gleðja félagana ef þeir hafa átt stórafmæli en við vorum með síðustu árshátíð okkar 18. janúar 2020 en þetta er gert til gamans að veita þeim smá viðurkenningu sem átt hafa stórafmæli. Þá miðum við við 50 og eldri. Nú erum við með þrjú ár undir og hefur safnast saman og þess vegna er hópurinn svona stór núna. Í þessum hópi eru sex sem urðu sjötugir á þessu tímabili,“ segir Guðmundur Valtýsson, einn kórfélaga. „Það er gaman að þessu og fólki þykir vænt um að við metum þetta svona við félagana.“
En hvernig skyldi ganga að endurnýja hópinn?
„Það er ekki svo slæmt, hefur stundum verið verra. Það eru að koma ungir menn núna en við, þessir sjötugu, ætlum að halda áfram lengi enn,“ segir Guðmundur kampakátur.
„Við héldum þessa hátíð á laugardagskvöldið, matarveisla og skínandi góð hátíð. Það hafa verið um 140 manns sem mættu. Það var ýmislegt til skemmtunar, grín og mikill kórsöngur, sungum líklega tólf lög. Einnig kom fulltrúi frá Rökkurkórnum, Valborg Hjálmarsdóttir, og flutti okkur góðan pistil. Sá kór er ekki starfandi núna en hefur verið okkar gestir í mörg ár og við buðum þeim að koma og taka þátt í þessu með okkur sem þau gerðu vel. Svo var þarna skínandi hljómsveit úr Skagafirði, Norðlensku molarnir.“
Guðmundur segir ýmislegt vera á döfinni en framundan eru mikil tímamót hjá kórnum þegar heil öld verður liðin síðan hann hóf starfsemi. „Við erum að veltast í því núna að nálgast 100 ára afmæli kórsins, sem verður árið 2025. Það nálgast ískyggilega og erum við farnir að velta því fyrir okkur og búa okkur undir mikil hátíðarhöld þá,“ segir Guðmundur. Ef litið er nær þá segir hann að í vetur er stefnt á suðurferð og ýmislegt verður gert í nærumhverfinu sem auglýst verður síðar.
Hér fyrir neðan má heyra brot af söng kórsins sem Margrét Grétarsdóttir tók upp.
Posted by Margrét Grétarsdóttir on Sunnudagur, 15. janúar 2023
Posted by Margrét Grétarsdóttir on Sunnudagur, 15. janúar 2023
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.