Skagfirðingar láta sönginn hljóma
Það er óhætt að segja að landinn hafi látið sönginn hljóma á öldum ljósvakans meðan kórónuveiran rembist líkt og rjúpan við staurinn að breiðast sem víðast og of langt mál að telja öll þau atriði sem opinberuð hafa verið. Eitt getur þó talist verðugt að nefna og er nýkomið í loftið en þar eru Skagfirðingar í létri sveiflu og syngja hið kunna lag Geirmundar Valtýssonar; Látum sönginn hljóma við texta séra Hjálmars Jónssonar.
„Þetta var bara smá hugmynd sem mér datt í hug að gera vegna ástandsins sem er í gangi alls staðar. Nú eru allir að setja myndbönd á netið og streyma tónleikum og fleira svo mér datt í hug að gera þetta. Ætli kveikjan hafi ekki verið „Góða ferð“ myndbandið sem fór eins eldur í sinu á netinu fyrir stuttu,“ segir Sigfús Arnar Benediktsson, betur þekktur sem Fúsi Ben.
Hann segir þetta verkefni svosem ekki hafa verið ætlað fyrir neitt sérstakt nema að gleðja og peppa landann. „Ég bjó til hóp á Facebook og óskaði eftir myndböndum af fólki syngja, spila eða dansa eða hvað sem er við lagið og það skilaði 24 myndböndum sem var alveg frábært. Móttökunar hafa verið alveg frábærar. Núna fjórum klukkustundum eftir að ég birti myndbandið eru komnar u.þ.b. 210 deilingar og um 3600 áhorf og allir glaðir,“ sagði Fúsi í gær er Feykir hafði samband við kappann sem vill þakka öllum sem tóku þátt í þessu verkefni með honum.
Látum sönginn hljóma! Gjörið svo vel
Posted by Sigfús Arnar Benediktsson on Miðvikudagur, 29. apríl 2020
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.