Átak í atvinnu- og markaðsmálum í Húnaþingi vestra
Verkefni innan Sóknaráætlunar landshluta á Norðurlandi vestra voru til umræðu á fundi byggðarráðs Húnaþings vestra þann 15. apríl sl. Eitt þeirra verkefna sem samþykkt hefur verið er „Átak í atvinnu- og markaðsmálum í Húnaþingi vestra“.
Ábyrgðaraðili verkefnisins er SSNV en Húnaþing vestra er framkvæmdaaðili. Auk Húnaþings vestra og SSNV eru Kaupfélag Vestur-Húnvetninga, Sláturhús KVH ehf. og Vinnumálastofnun samstarfsaðilar að verkefninu.
Í fundargerð kemur fram að fjárhæð sem kemur til verkefnisins frá verkefnasjóði sóknaráætlunar á Norðurlandi vestra er alls kr. 8.000.000-en heildarkostnaður er áætlaður kr. 15.000.000-. Fyrir liggur að ráða þarf verkefnisstjóra fyrir verkefnið en gert er ráð fyrir að það hefjist í aprílmánuði 2013 og standi í eitt ár.
Byggðarráð samþykkti að verkefnisstjórn verði skipuð þeim Leó Erni Þorleifssyni oddvita, Skúla Þórðarsyni sveitarstjóra, Jóni Óskari Péturssyni framkvæmdastjóra SSNV, Reimari Marteinssyni kaupfélagsstjóra KVH og Magnúsi Frey Jónssyni sláturhússtjóra.
Einnig var samþykkt að að fela oddvita og sveitarstjóra að leggja fram tillögu til verkefnisstjórnar að ráðningu verkefnisstjóra til starfa hið fyrsta.
Elín R. Líndal sat hjá við skipan í verkefnisstjórn og lagði fram eftirfarandi bókun: „Ég lýsi mikilli ánægju með verkefnið Átak í atvinnu- og markaðsmálum í Húnaþingi vestra en lýsi furðu á því að ekki sé talin ástæða til að hafa fulltrúa beggja kynja í verkefnisstjórninni og sit þess vegna hjá við skipan hennar.“
Fleiri fréttir
-
Rennibrautir í Sauðárkrókssundlaug komnar í ferli
feykir.is Skagafjörður, Íþróttir, Lokað efni 23.07.2025 kl. 09.50Það hillir undir að gestir sundlaugarinnar á Króknum geti farið að bruna í rennibrautum því Fjársýslan, fyrir hönd Sveitarfélagsins Skagafjarðar, hefur óskað eftir tilboðum í þrjár forsmíðaðar vatnsrennibrautir og rennibrautaturn, þar með talið efni, vinnu og uppsetningu fyrir nýtt útisvæði við Sundlaug Sauðárkróks.Meira -
Utanvegahlaupið Molduxi Trail fer fram 8 ágúst
feykir.is Skagafjörður, Íþróttir, Mannlíf, Lokað efni 23.07.2025 kl. 09.20Föstudaginn 8. ágúst næstkomandi verður utanvegahlaupið Molduxi Trail haldið í fyrsta sinn í Skagafirði. „Molduxi Trail er viðburður sem hefur það takmark að auka við flóru viðburða á svæðinu og er stutt af SSNV,“ segir Steinunn Gunnsteinsdóttir, einn af aðstandendum viðburðarins. „Hlaupið er bæði skemmtiviðburður og svo líka alvöru hlaup með viðeigandi tímatöku, hækkun og lengdum,“ bætir hún við.Meira -
Eldur í Hún logar glatt
feykir.is Vestur-Húnavatnssýsla, Listir og menning, Mannlíf 23.07.2025 kl. 09.00Hin metnaðarfulla hátíð í vestur Húnavatnssýslu er komin á fullan skrið. Í gær var keppt í pílu og og haldið unglingaball og fleira.Meira -
Hundgá og „high tea“ í Glaumbæ
feykir.is Skagafjörður, Listir og menning 22.07.2025 kl. 16.01Í tilefni af afmæli enska aðalsmannsins Mark Watson (1906–1979) stóð Byggðasafn Skagfirðinga, venju samkvæmt, fyrir dagskrá í Glaumbæ þann 18. júlí sl. Watson var mikill Íslandsvinur og eigum við honum margt að þakka, Þar með talið rausnarlega peningagjöf til viðgerða á gamla torfbænum í Glaumbæ árið 1938, sem átti sinn þátt í því að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans „Dagur íslenska fjárhundsins“.Meira -
Vatnsnes Trail Run Utanvegahlaup
feykir.is Íþróttir, Vestur-Húnavatnssýsla 22.07.2025 kl. 10.40Einn af fjölmörgum áhugaverðum viðburðum á Eldi í Húnaþingi er „Vatnsnes Trail Run” sem er utanvegahlaup í Húnaþingi vestra. Hlaupið fer fram á föstudaginn 25.7. Boðið er upp á þrjár vegalengdir: 20+ km, 10km og fjölskylduhlaup. Í 10 km og 20+ km hlaupunum verður hlaupið frá Félagsheimilinu á Hvammstanga fallega leið upp í Kirkjuhvamm og svo halda leiðirnar áfram upp fjallið. í 1,5 km fjölskylduhlaupinu er einnig hlaupið frá Félagsheimilinu á Hvammstanga. Skemmtilegur viðburður fyrir náttúruunnendur og hlaupara á öllum getustigum.Meira
