Engin beiðni um aðstoð barst lögreglunni á Blönduósi vegna haustshretsins
Vegna frétta um búfjárskaða sökum hausthretsins sem gekk yfir Norðurland þann 10. – 11. sept. sl. þá vill sýslumaðurinn á Blönduósi upplýsa um gang mála í Húnavatnssýslum. Engin beiðni um aðstoð eða önnur tilkynning barst lögreglunni á Blönduósi um alvarlegt ástand búfjár eða önnur atvik þegar hretið gekk yfir né heldur næstu daga á eftir.
„Þann 24. sept. sl. voru lögreglustjórar á Norðurlandi boðaðir á fund daginn eftir með almannavarnadeild ríkislögreglustjóra. Á fundinum kom fram að fyrirhugað væri að halda umfangsmikla leit að búfé á öllu Norðurlandi helgina 28. - 30. sept. sl. og gert var ráð fyrir að ríkisstjórnin myndi leggja út ákv. upphæð til verksins. Fram kom á fundinum að þrír matsmenn höfðu farið um Norðurland á vegum almannavarnanefndar ríkislögreglustjóra til að meta ástandið. Þeir höfðu hitt fyrir svæðisstjóra björgunarsveita, búnaðarráðunauta, bændur, fjallskilastjóra og sveitarstjórnarfólk í umdæmum almannavarna á öllu Norðurlandi. Gert var ráð fyrir skipulagi almannavarna við leitina en verkstjórn myndi verða í höndum svæðisstjórna björgunarsveita og búnaðarráðunauta á hverju svæði.
Þann 27. sept. sl. kom tilkynning frá almannavarnadeild ríkislögreglustjóra um að fyrirhuguð leit og björgun sauðfjár á Norðurlandi ætti að fara fram framangreinda helgi og voru leitarsvæðin tilgreind: Skagafjörður og Þingeyjarsýslur.
Þar sem Húnavatnssýslur voru ekki tilgreindar sem leitarsvæði þá hafði undirritaður þegar samband við almannavarnadeild ríkislögreglustjóra og fékk þau svör að það væri niðurstaða „heimamanna“ að aðstoðar væri ekki þörf í þessu leitarátaki og því hefðu Húnavatnssýslurnar verið felldar út.
Með vísan til þess sem að framan greinir þá þótti ekki ástæða til þess að lýsa yfir almannavarnaástandi í Húnavatnssýslum en hins vegar hafa björgunarsveitarmenn aðstoðað bændur dyggilega við leit að búfé í umdæminu.
Til upplýsingar vill undirritaður geta þess að í almannavarnanefnd Húnavatnssýslna sitja allir sveitarstjórar umdæmisins ásamt undirrituðum og því greið leið að koma upplýsingum um neyðarástand til þeirra eða lögreglunnar á Blönduósi.
Undirritaður hefur ákveðið að kalla fljótlega saman almannavarnanefnd Húnavatnssýslna og helstu aðila sem að þessu ástandi komu.“
Undir þetta ritar Bjarni Stefánsson sýslumaður á Blönduósi.
Fleiri fréttir
-
Miðfjörðurinn mun nötra
feykir.is Vestur-Húnavatnssýsla, Listir og menning, Mannlíf 28.07.2025 kl. 15.38Um verslunarmannahelgina verður Norðanpaunk, ættarmót paunkara, haldið í 11. sinn á Laugarbakka í Miðfirði. Áhersla hátíðarinnar frá upphafi hefur ávallt verið á óvanalega íslenska jaðartónlist, en nokkrar erlendar sveitir hafa einnig mætt á svæðið og spilað fyrir gesti. Hægt að sjá nánar um hátíðina á facebook-Norðanpaunk.Meira -
Tindastóls drengir lágu fyrir Riddaranum
feykir.is Skagafjörður, Íþróttir, Lokað efni 28.07.2025 kl. 12.55Síðast liðinn laugardag spiluðu heimamenn í 3.deildinni á móti Hvíta riddaranum frá Mosfellsbæ. Tindastólsmönnum gekk illa að finna taktinn og var mikið um ónákvæmar sendingar og mistök. Þetta var klárlega ekki besti leikur Tindastóls þetta sumarið. Leikurinn endaði 1. – 2. fyrir riddarana.Meira -
Rólegheitahundurinn Móri | Ég og gæludýrið mitt
feykir.is Skagafjörður, Lokað efni, Ég og gæludýrið mitt 28.07.2025 kl. 12.00Í bestu götunni á Króknum, Suðurgötunni, búa fimm systkini, þau Margrét Rún, Alexandra Ósk, Viktoría Ösp, Frosti Þór og Ýmir Freyr ásamt foreldrum sínum þeim Írisi Hrönn Rúnarsdóttur og Jóel Þór Árnasyni. Með þessari flottu stóru fjölskyldu býr svo hundurinn Móri en hann er hvítur og mórauður Border Collie. Feyki langaði aðeins að spyrjast fyrir um hann Móra sæta.Meira -
Eva og Inga semja við Tindastól
feykir.is Skagafjörður, Íþróttir, Lokað efni 28.07.2025 kl. 08.42Körfuknattleiksdeild Tindastóls sendir frá sér nýja tilkynningu: Heimastúlkurnar Eva Rún Dagsdóttir og Inga Sólveig Sigurðardóttir munu leika með liði Tindastóls í Bónus deildinni næsta tímabil. Inga Sólveig er að framlengja sinn samning en Eva Rún snýr tilbaka eftir ársdvöl á Selfossi, þar sem hún spilaði með liði Selfoss í 1. deild.Meira -
Kormákur/Hvöt með fjórða sigurinn í röð
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 27.07.2025 kl. 22.25Það var hátíðarbragur á liði Kormáks Hvatar í gær enda tilefni til þegar það atti kappi við topplið 2. deildar, Ægi frá Þorlákshöfn. Leikurinn fór fram á Hvammstanga þar sem bæjarhátíðin Eldur í Húnaþingi fer fram. Kormákur Hvöt gerði sér lítið fyrir og sigraði toppliðið í skemmtilegum leik 3-2. Moussa Ismael Sidibe Brou skoraði fyrstu tvö mörkin fyrir Kormák Hvöt en Ægir minnkaði muninn áður en flautað var til hálfleiks.Meira
