Erindi um morðbrennuna á Illugastöðum og síðustu aftökuna
Morðbrennan á Illugastöðum 1828 og síðasta aftakan á Íslandi 1830 er erindi sem haldið verður á vegum Byggðasafns Húnvetninga og Strandamanna í Safnaðarheimili Hvammstangakirkju sunnudaginn 26. janúar kl. 14. Aðgangur er ókeypis og allir velkomnir meðan húsrúm leyfir. Hægt verður að kaupa kaffi og kleinur á staðnum og tímaritið Sögu en í því er ítarleg umfjöllun um efnið.
Í erindinu fjallar Eggert Þór Bernharðsson sagnfræðingur og prófessor við Háskóla Íslands um eitt frægasta og umtalaðasta sakamál Íslandssögunnar, morðbrennuna á Illugastöðum á Vatnsnesi 14. mars 1828.
Einkum verður hugað að atburðarás morðnæturinnar eins og hún birtist í yfirheyrslum Björns Blöndals sýslumanns Húnvetninga yfir því fólki sem eitt vissi hvað gerðist þessa örlagaríku nótt; þeirra Friðriks Sigurðssonar í Katadal, Sigríðar Guðmundsdóttur bústýru á Illugastöðum og Agnesar Magnúsdóttur vinnukonu á sama bæ. Jafnframt verður rætt um síðustu aftökuna á Íslandi sem fór fram á Þrístöpum 12. janúar 1830 þar sem þau Friðrik og Agnes voru tekin af lífi en dauðadómi Sigríðar hafði verið breytt í lífstíðarfangelsi í Kaupmannahöfn.
Að loknu erindinu svarar Eggert Þór spurningum og tekur þátt í umræðum en hann vinnur að rannsókn á lífshlaupi Natans Ketilssonar og samferðafólki hans, morðbrennunni á Illugastöðum 1828, aðdraganda hennar, ástæðum og eftirmálum, refsingum og glæpum í Húnaþingi á fyrstu áratugum 19. aldar, síðustu aftökunni á Íslandi 1830 sem og þeirri mynd sem sameiginlegar eða staðbundnar minningar um Natansmál hafa tekið á sig í tímans rás og hvernig unnið hefur verið með morðmálið.
/fréttatilkynning
Fleiri fréttir
-
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík við Hvammstanga og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira
