Forsætisráðherra hafnaði beiðni SSNV um fund
Fram kemur í fundargerð stjórnar SSNV (Samtaka sveitarfélaga á Norðurlandi vestra) þann 3. nóvember sl. að forsætisráðherra, Kristrún Frostadóttir, hefði hafnað beiðni samtakanna um fund með stjórn SSNV vegna alvarlegrar stöðu landshlutans og mögulegra aðgerða til að snúa neikvæðri þróun við. Stjórn SSNV hafði beðið um fund með valkyrjunum þremur, Kristrúnu, Þorgerði Katrínu og Ingu Sæland, en ekki hafa borist svör frá utanríkisráðherra og félags- og húsnæðismálaráðherra en forsætisráðuneytið benti aftur á móti á innviðaráðuneyti Eyjólfs Ármannssonar vegna erindisins.
Í fundargerðinni segir að stjórn SSNV harmi „...svar forsætisráðherra og viðbragðsleysi ríkisstjórnarinnar og telur að sú afstaða endurspegli áhugaleysi þeirra á því að takast á við þá alvarlegu stöðu sem uppi er í landshlutanum. Samtökin hafa ítrekað bent á neikvæða þróun íbúafjölda, fækkun starfa, sér í lagi ríkisstarfa, og minnkandi þjónustu á svæðinu. Stjórn SSNV telur því brýnt að stjórnvöld sýni raunverulegan áhuga og vilja til samstarfs og aðgerða.“
Svar sem ég átti alls ekki von á
Feykir spurði Einar E. Einarsson, formann stjórnar SSNV, hvað honum þætti um svar forsætisráðherra. „Ég verð að segja að svarið kom mér verulega á óvart og ekki síst í ljósi þess að forsætisráðherra hefur lagt á það ríka áherslu að eiga gott og náið samtal við fólkið í landinu, meðal annars með því að ganga í hús og hitta fólk. Við sem sitjum í stjórn SSNV erum fulltrúar í sameiginlegu hagsmunafélagi þeirra fjögurra sveitarfélaga sem eru í landshlutanum.
Rétt er líka að hafa í huga að ástæða þess að við óskum eftir fundinum eru áhyggjur okkar af stöðu landhlutans varðandi t.d. hægari fólksfjölgun, slæma stöðu innviða eins og vegakerfisins og þeirrar staðreyndar að þrátt fyrir að ríkisstörfum fjölgi um fleiri hundruð á ári hverju, þá er þeim að fækka í okkar landshluta. Þessi og fleiri atriði vildum við ræða en það er greinilega ekki vilji til þess af hálfu forsætisráðherra, sem er svar sem ég átti alls ekki von á,“ segir Einar E. Einarsson formaður stjórnar Samtaka sveitarfélaga á Norðurlandi vestra.
Fleiri fréttir
-
Heimtur virðast vera góðar
feykir.is Skagafjörður, Lokað efni 07.11.2025 kl. 17.09Þessa bráðskemmtilegu drónamynd hér að ofan tók Halldór Gunnar Hálfdansson bóndi á Molastöðum í Fljótum í síðustu viku þegar veturinn lét á sér kræla. Feykir nýtti tækifærið og spurði bóndann út í veður og heimtur.Meira -
„Með gleðina og keppnisskapið að vopni getur leikurinn unnist“
feykir.is Íþróttir, Vestur-Húnavatnssýsla, Mannlíf, Lokað efni 07.11.2025 kl. 12.51Húnvetningar eru duglegir að stunda blak og hefur Feykir áður sagt frá liði Hvatar á Blönduósi. Birnur í Húnaþingi vestra eiga sér lengri sögu í blakinu en þær eru nú með lið í 5. deild Íslandsmótsins. Feykir dembdi nokkrum spurningum á S. Kristínu Eggertsdóttur formann blakfélagsins Birna og hjúkrunarfræðing hjá HSV á Hvammstanga. Hún segir að iðkendur séu að jafnaði 12-14 talsins á æfingum, þeir yngstu eru í 9. bekk grunnskóla og svo upp úr, konur og karlar æfa saman og eru æfingar tvisvar í viku, á þriðjudags- og fimmtudagskvöldum.Meira -
Háskólinn á Hólum tekur þátt í ArcticKnows verkefninu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 07.11.2025 kl. 11.11Þann 1. október síðastliðinn var ýtt úr vör þverfaglegu rannsóknarverkefni sem beinir sjónum að mótun sameiginlegra leiða til sjálfbærra atvinnuhátta á Norðurslóðum með því að byggja brýr milli vísindalegrar og staðbundinnar þekkingar. Verkefnið nefnist ArcticKnows og er styrkt af Horizon Europe áætlun Evrópusambandsins (Innovation Action).Meira -
Kynning hafin á fyrirkomulagi sameiningarkosninga
feykir.is Vestur-Húnavatnssýsla 07.11.2025 kl. 10.01Kynningarbæklingur vegna íbúakosninga um sameiningu Húnaþings vestra og Dalabyggðar hefur verið settur í dreifingu og ætti nú væntanlega að hafa borist inn á heimili í báðum sveitarfélögum. Heimili sem hafa afþakkað fjölpóst og fríblöð hafa væntanlega ekki fengið bæklinginn en hægt er að nálgast hann á rafrænu formi fyrir þá sem vilja kynna sér innihald hans á kynningarsíðunni dalhus.is.Meira -
Elín Jónsdóttir ráðin aðalbókari hjá Skagafirði
feykir.is Skagafjörður, Lokað efni 07.11.2025 kl. 08.46Elín Jónsdóttir hefur verið ráðin í starf aðalbókara hjá Skagafirði. Í tilkynningu á vef sveitarfélagsins segir að aðalbókari beri ábyrgð á að bókhald sveitarfélagsins og stofnana þess sé fært í samræmi við lög og reglur og fjárhagsáætlanir hverju sinni. Aðalbókari tryggir réttmæti fjárhagsupplýsinga og tekur þátt í greiningu þeirra ásamt undirbúningi upplýsinga fyrir stjórnendur sveitarfélagsins, nefndir þess og ráð.Meira
