Fullveldi í fyrirrúmi á Hólahátíð um helgina
Hólahátíð verður haldin á Hólum í Hjaltadal 11. til 12. ágúst. Boðið verður upp á fjölbreytta dagskrá með tónleikum, hátíðarsamkomum og hátíðarmessu.
„Hólahátíð er hugsuð sem hátíð fyrir allt kirkjufólk í Hólastifti sem nær frá Hrútafirði allt austur í Álftafjörð,” segir sr. Solveig Lára Guðmundsdóttir vígslubiskup á Hólum. „Það er mikilvægt fyrir kirkjuna að halda hátíðir sem sýna styrk hennar bæði menningarlega og trúarlega. Kirkjan er mjög víða afar stór hluti af lífi fólks og sérstaklega á landsbyggðinni þar sem gríðarlegur fjöldi fólks hlúir að kirkjum sínum og kirkjustarfi.”
Hólahátíðin er ávallt fjölsótt og kemur fólk alls staðar að af landinu í eins konar pílagrímaför, enda er gengin pílagrímaganga á laugardeginum eftir Hallgrímsveginum frá Gröf heim að Hólum. Hátíðin hefur alltaf eitthvert megintema og má nefna að árið 2016 var haldið upp á 350 ára afmæli útgáfu Pássíusálmanna með veglegri s sýningu á passíusálmaútgáfum og árið 2017 var minnst 500 ára afmælis siðbótarinnar. Í ár verður 100 ára afmælis fullveldis Íslands minnst. Í því tilefni hafa fermingarbörnum úr nágrenninu verið boðið að semja 8-10 mínútna erindi sem ber yfirskriftina: Hvaða þýðingu hefur fullveldi Íslands fyrir þig?
Kvenskörungurinn á Hólum
Kammersveitin ReykjavíkBarokk mun frumflytja tónleikhús sem fjallar um líf Halldóru Guðbrandsdóttur sem tók ung við búi á Hólum á 17. öld. En slíkt þótti ekki algengt á þeim tíma. „Halldóra var mikill kvenskörungur. Hún missti móður sína ung og tók því við heimilinu og sá um föður sinn til dauðadags,“ segir sr. Solveig Lára. „Eftir að Guðbrandur biskup fékk heilablóðfall árið 1624 annaðist Halldóra bæði hann og sá um alla starfsemi á Hólum.“
Dagskrá:
Laugardagurinn 11. ágúst
Pílagrímaganga eftir Hallgrímsveginum frá Gröf á Höfðaströnd heim að Hólum. Lagt af stað frá Grafarkirkju kl. 9:00 og komið heim að Hólum um kl. 16:00.
Kl. 16:00 Endurnýjun skírnarinnar og altarisganga í Hóladómkirkju.
Kl. 17:00 Samkoma í Auðunarstofu: Hvaða þýðingu hefur fullveldi Íslands fyrir þig?
Kl. 19:00 Kvöldverður Undir Byrðunni.
Sunnudagurinn 12. ágúst
Kl. 11:00 Tónleikhúsið: Bréf Halldóru Guðbrandsdóttur - 1625 - Tvær konur í flutningi ReykjavíkBarokk.
Kl. 14:00 Hátíðarmessa í Hóladómkirkju. Sr. Jóna Kristín Þorvaldsdóttir sóknarprestur á Fáskrúðsfirði predikar. Kirkjukór Hóladómkirkju syngur.
Organisti Jóhann Bjarnason. Tónlist: ReykjavíkBarokk.
-Veislukaffi Undir Byrðunni.
Kl. 16:30 Hátíðasamkoma í Hóladómkirkju.
Ræðumaður Einar Kr. Guðfinnsson formaður 100 afmælisnefndar um fullveldi Íslands
Tónlist: ReykjavíkBarokk.
Kl. 20:00 Kvöldmessa í Grafarkirkju á Höfðaströnd.
Prestur sr. Úrsúla Árnadóttir.
Fleiri fréttir
-
Sigurður Örn til PLAY
feykir.is Austur-Húnavatnssýsla, Mannlíf 16.04.2024 kl. 15.32Flugfélagið PLAY hefur ráðið Sigurð Örn Ágústsson, frá Geitaskarði í Langadal, sem framkvæmdastjóra viðskiptaþróunar. Fram kemur í fréttatilkynningu á netsíðu PLAY að um er að ræða nýtt svið innan flugfélagsins en Siggi mun hafa það hlutverk að leiða frekari þróun þvert á öll svið flugfélagsins.Meira -
Fyrri umferð biskupskosninga lokið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 14.02Kosning biskups Íslands fór fram dagana 11.- 16. apríl og kosningu lauk á hádegi í dag, 16. apríl og niðurstaða kosninganna liggur fyrir þrjú voru í kjöri og féllu atkvæði þannig:Meira -
Háskólinn á Hólum hlýtur viðurkenningu fyrir framsækið og metnaðarfullt háskólastarf
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 13.50Háskólinn á Hólum hlaut á dögunum Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.Meira -
Synjun Skagabyggðar um efnistöku í sveitarfélaginu stendur
feykir.is Austur-Húnavatnssýsla 16.04.2024 kl. 13.45Kröfu Vegagerðarinnar um að snúa við synjun Skagabyggðar um efnistöku í sveitarfélaginu var hafnað af Úrskurðarnefnd umhverfis- og auðlindamála nú í byrjun apríl. Málavextir voru þeir að í október 2023 óskaði Vegagerðin eftir heimild Skagabyggðar til efnistöku á unnu efni í námu norðan Hvammkotsbruna sem nýtt yrði í sjóvarnir við Réttarholt á Skagaströnd. Heildarmagn grjóts og sprengds kjarna í verkið var áætlað allt að 1.500 rúmmetrar. Þrátt fyrir synjun Skagabyggðar um efnistöku í sveitarfélaginu hefur Vegagerðin nú þegar hafið flutninga á efni úr námunum.Meira -
Ólíkir tónlistarheimar mætast á ferðalagi um landið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 11.52Marína Ósk kemur úr heimi djass og Ragnar Ólafsson úr rokki. Þau leggja nú saman af stað í tónleikaferðalag saman um allt land 16.-28. apríl. Þau kynntust í Húsi máls og menningar, þar sem þau spila flest kvöld vikunnar fyrir fullu húsi. Semja nú saman söngvaskáldatónlist og gáfu meðal annars út lagið Er kólna fer ekki alls fyrir löngu. Þau heimsækja Gránu á Sauðárkróki á morgun – miðvikudaginn 17.apríl og hefjast tónleikarnir kl.20.30.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.