Landinn í loftið á ný
Nú er að hefjast fjórða sýningartímabil Landans en þáttur númer 125, frá upphafi, fer í loftið á RÚV sunnudagskvöldið 6. október, strax á eftir fréttum. Landinn hefur síðustu þrjú árin verið með vinsælasta sjónvarpsefni landsins og áhorf gjarnan verið um og yfir þrjátíu prósent. Í þættinum er ávallt farið vítt um völl og fjallað um allt milli himins og jarðar. Dagskrárgerðarmenn Landans sérhæfa sig þó í að segja sögur, sögur af fólki. Þá er lagt upp með það einfalda leiðarljós að þátturinn sé um eitthvað!
Það verða engar stórbreytingar á þættinum í vetur, enda töldu aðstandendur þáttarins enga ástæðu til að breyta neinu sérstaklega. Áfram verður fjallað um það sem landinn hefur fyrir stafni út um allt land, jafnt á landsbyggðinni sem á höfuðborgarsvæðinu.
Umsjónarmenn Landans í vetur eru Sigríður Halldórsdóttir, sem jafnframt er annar aðalkynnir þáttarins, Kristín Sigurðardóttir, Guðmundur Pálsson, Þórhildur Ólafsdóttir Þórgunnur Oddsdóttir og Gísli Einarsson, sem áfram er ritstjóri og kynnir þáttarins. Þá er Karl Sigtryggsson yfir myndgerð þáttarins en aðrir tæknimenn eru Einar Rafnsson, Jóhannes Jónsson og Gunnlaugur Starri Gylfason.
Landinn er á dagskrá RÚV á eftir fréttum öll sunnudagskvöld í vetur. Þátturinn er endursýndur síðdegis á mánudögum og laugardögum. Þá er hægt að nálgast hann á Ruv.is/landinn og þá má geta þess að á Youtube og Facebook verður að finna ýmislegt aukaefni tengt þættinum.
Í fyrsta þættinum verður fjallað um sunnudagssteikina og Landinn slæst í för með Guðjóni Sigurðssyni, formanni MND félagsins, hvar hann lætur drauma sína rætast. Þá fer Landinn á Norðurlandamót Eldsmiða, á Akranesi, lítur inn í Lofthelli í Mývatnssveit, hittir flautuleikara hjá Metropolitan Óperunni og ræðir við pólskan rithöfund á Akureyri.
/Fréttatilkynning
Fleiri fréttir
-
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira
