Mikilvægara en veiðigjöldin | Hjörtur J. Guðmundsson skrifar

feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.07.2025 kl. 08.52
Hjörtur J. Guðmundsson. AÐSEND MYND
Hjörtur J. Guðmundsson. AÐSEND MYND
Miklar umræður hafa farið fram á Alþingi að undanförnu þar sem stjórnarandstaðan hefur vakið athygli á vægast sagt illa unnu frumvarpi ríkisstjórnarinnar um veiðigjöld sem hafa mun mjög neikvæð fjárhagsleg áhrif á sjávarútveginn og sjávarbyggðir landsins verði það að lögum. Um mjög mikilvægt mál er þannig að ræða. Hins vegar er stóra valdaframsalsmálið, eða bókun 35 við EES-samninginn, miklu mikilvægara enda þar um að ræða verðmæti sem seint verða metin til fjár.
 
Valdaframsalsmálið snýst sem kunnugt er um frumvarp Þorgerðar Katrínar Gunnarsdóttur, utanríkisráðherra og formanns Viðreisnar um bókun 35 við EES-samninginn. Verði frumvarpið samþykkt verður lögfest að regluverk frá Evrópusambandinu sem innleiða þarf vegna aðildar Íslands að EES-samningnum gangi framar innlendri löggjöf. Verði henni með öðrum orðum æðra. Mál sem virtir lögspekingar hafa varað við að fari gegn fullveldisákvæðum stjórnarskrárinnar.
 
Valdaframsalsmálið snýst þannig um valdið yfir íslenzkum málum. Málið er miklu stærra að sama skapi en Icesave-málið sem varðaði einnig mikla fjárhagslega hagsmuni en snerist engu að síður aðeins um eina lagagerð frá Evrópusambandinu, um innistæðutryggingar. Valdaframsalsmálið snýst hins vegar um forgang alls regluverks í gegnum EES-samninginn. Þar á meðal um innistæðutryggingar og sem haft getur mikil fjárhagsleg áhrif meðal annars fyrir sjávarútveginn.
 

Hjörtur J. Guðmundsson
sagnfræðingur og alþjóðastjórnmálafræðingur

Til baka

Fleiri fréttir

  • Frá afhendingu veglegrar gjafar. Mynd:fb.Sveitin okkar Fljótin.

    Knappstaðakirkja fær góðan styrk

    feykir.is Skagafjörður, Mannlíf, Lokað efni 14.07.2026 kl. 10.30 hinrik@feykir.is
    Halldór Gunnar Háldánsson bóndi á Molastöðum í Fljótum heldur úti skemmtilegri facebook síðu sem nefnist: Sveitin okkar Fljótin. Þar birtir Halldór ýmsan fróðleik úr Fljótunum og oft verulega góðar ljósmyndir en Halldór er lunkinn ljósmyndari.Nú á dögunum birti Halldór þessa frásögn um höfðinglega gjöf:
    Meira

  • Uppfærðar reglur um sérstaka hvatapeninga til barna í Skagafirði

    feykir.is Skagafjörður, Mannlíf 13.07.2026 kl. 15.15 bladamadur@feykir.is
    Á vefsíðu Skagafjarðar kom fram að sveitarfélagið Skagafjörður hefur staðfest nýjar reglur um úthlutun sérstakra hvatapeninga sem ætlað er að styðja við þátttöku barna í íþrótta- og tómstundastarfi. Markmið reglnanna er að auka jöfnuð og tryggja að börn frá tekjulágum heimilum hafi jafnan aðgang að skipulögðu frístundastarfi.
    Meira
  • Það er fallegt á Blönduósi. MYND: ÓAB

    Umhverfisverðlaun Húnabyggðar 2026

    feykir.is Austur-Húnavatnssýsla 13.07.2026 kl. 15.09 oli@feykir.is
    Nú blómstra garðar eins og enginn sé morgundagurinn. Í Húnabyggð eru Umhverfisverðlaun veitt sem viðurkenning til einstaklinga fyrir fallega og vel hirta garða og fyrir snyrtilegt umhverfi. Umhvefisnefnd Húnabyggðar óskar eftir ábendingum um hverjir eiga að hljóta viðurkenninguna en veittar eru viðurkenningar fyrir garða eða umhverfi í þéttbýli og í dreifbýli.
    Meira
  • Bára Grímsdóttir. MYND AF VEF TÓNLISTARMIÐSTÖÐVAR

    Húnvetningurinn Bára Grímsdóttir er tónskáld mánaðarins

    feykir.is Austur-Húnavatnssýsla, Mannlíf, Lokað efni 13.07.2026 kl. 15.06 bladamadur@feykir.is
    Húnvetningurinn Bára Grímsdóttir er tónskáld mánaðarins hjá Tónlistarmiðstöð Íslands. Bára er í dag eitt af fremstu tónskáldum þjóðarinnar og hefur átt stóran þátt í að miðla íslenskri þjóðlagaarfleifð, bæði hér heima og erlendis.
    Meira
  • MYND AF FB SÍÐU BARNA OG UNGLINGARÁÐS KNATTSPYRNUDEILDAR TINDASTÓLS

    Lið 3. flokks kvenna hafnaði í öðru sæti á Barcelona Cup fyrr í sumar

    feykir.is Skagafjörður, Íþróttir, Lokað efni 13.07.2026 kl. 10.50 bladamadur@feykir.is
    Dagana 11.-18. júní voru 3. flokks Stólastúlkur í fótbolta, staddar í Barcelona þar sem þær kepptu á Barcelona Cup. Liðið keppti fjóra leiki í heildina, sem hefðu átt að vera fimm en eitt lið mætti ekki til leiks. Þær stóðu sig ótrúlega vel og enduðu mótið í öðru sæti. Feykir heyrði í Benjamín Jóhannesi Vilbergssyni og fékk hann til að segja frá ferðinni.
    Meira
Yfirlit frétta