Páll Óskar heimsækir grunnskólana á Skúnaskralli
Barnamenningarhátíð Norðurlands vestra, Skúnaskrall – Öll saman, hefst með pompi og prakt 21. október og stendur til 4. nóvember. Meðal viðburða eru hrekkjavökuböll á Hofsósi og Blönduósi, stuttmyndir frá UngRIFF í leik- og grunnskólum, Umskiptingar sýna leikritið um Fóu og Fóu feykirófu en síðast en alls ekki síst þá mun Páll Óskar heimsækja alla grunnskóla landshlutans og syngja fyrir nemendur.
Hrekkjavökuball á Hofsósi er fyrir unglingastig allra sex grunnskólanna, í umsjón félagsmiðstöðvarinnar Friðar. Þar koma fram Spritezeroclan og Úlfur Úlfur. Hrekkjavökuball á Blönduósi er fyrir miðstig. Ballið, sem er í umsjón félagsmiðstöðvarinnar Skjólsins, fær DJ Sakka og Partývélina til að halda uppi stuðinu.
Á Skúnaskralli verða einnig í boði bæði dans- og leiklistarnámskeið, ritunarsmiðjur, myndlistarsýningar og námskeið í Fab Lab. Þá verður mikið um að vera á bókasöfnum svæðisins.
Nánari upplýsingar og dagskrá munu birtast á skunaskrall.is. Vakin er athygli á því að skráning er nauðsynleg á suma viðburðina vegna fjöldatakmarkana.
Sveitarfélögin á Norðurlandi vestra hvetja fjölskyldur til að kynna sér dagskrána og taka þátt í viðburðum hátíðarinnar sem opnir erum öllum
Hátíðin er samstarfsverkefni allra sveitarfélaganna í landshlutanum og eitt af áhersluverkefnum SSNV. Gaman er að segja frá því að hún hlaut veglegan styrk úr Barnamenningarsjóði og nýtur auk þess stuðnings Samfélagssjóðs Landsvirkjunar.
Fleiri fréttir
-
„Ooo, ef ég gæti nú bara farið aftur í tímann og séð hvað hér gekk á“
feykir.is Skagafjörður, Austur-Húnavatnssýsla, Mannlíf, Lokað efni 15.10.2026 kl. 16.01Hvernig var lífið í verbúðum við ysta haf á 12. öld? Hvernig stytti fólk sér stundir þegar enginn var síminn eða sjónvarpið? Undanfarin sumur hefur fornleifarannsókn farið fram í Hafnabúðum á Hjallanesi í landi Hafna á Skaga þar sem umfangsmikil verbúðabyggð hefur verið við sjávarsíðuna. Markmiðið með rannsókninni var að rannsaka líf og starf fólks í gamalli verstöð og hvernig sjávar- og strandauðlindir voru nýttar. Rannsóknirnar benda til þess að starfsemin hafi verið fjölbreytt. Þar fundust meðal annars vísbendingar um fiskveiðar, hvalveiðar, selveiðar, textílvinnu og matargerð. Konur, menn og börn hafa dvalið á staðnum, en ekki eingöngu karlmenn líkt og uppistaðan í seinni tíma hugmyndum um verstöðvar og sjómennsku hefur oft verið.Meira -
Tindastóll – Ármann í kvöld
feykir.is Skagafjörður, Íþróttir, Lokað efni 15.10.2026 kl. 14.35Þá er komið að fyrsta heimaleik hjá Tindastóli í Bónusdeild karla. Mótherjarnir eru kapparnir í Ármanni en þeim er ekki spáð góðu gengi í deildinni. Spekingarnir á karfan.is segja: „Ingvi Þór Guðmundsson er frábær leikmaður. Lið Ármanns að öðru leyti? Neibb, lóðbeint niður eins og staðan er núna.” Þeir segja líka: „Hvernig tekst Tindastóli að leysa verkefnið í Síkinu með ökkla Drunga laskaðan? Getur Ingvi Þór Guðmundsson haldið Ármanni á floti gegn Stólunum og afsannað hrakspárnar?”Meira -
Marktækt meira kolefni í jarðvegi í beitilandi en óbeittu
feykir.is Skagafjörður, Lokað efni 15.10.2026 kl. 12.10Á vef Háskóla Íslands á Hólum er birt mjög svo áhugaverð grein um rannsóknir á kolefnisbindingu í beittu landi og óbeittu. Niðurstöður stangast nokkuð á við það sem haldið hefur verið fram af náttúruverndarfólki sem barist hefur fyrir friðun á landi.Meira -
Norðvesturlandið slapp vel
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.10.2026 kl. 09.30Þá er veðrið sem hefur gengið yfir landið að láta undan síga. Hér um slóðir eru engar sögur um nein meiriháttar tjón. Um tíma höfðu menn varann á sér á Skagaströnd vegna hárrar sjávarstöðu. Sjór gekk eitthvað yfir höfnina en án skaða. Einn smábátur var við það að losna frá bryggju og aðstoðaði björgunarsveitarfólk við að tjóðra hann niður. Að sögn Reynis Lýðssonar formanns björgunarsveitarinnar Strandar var það eina útkallið sem þau fengu.Meira
