Selasetrið verðlaunað af ECTN
Selasetur Íslands á Hvammstanga hlaut fyrstu verðlaun Evrópusamtaka fyrirtækja og þjónustuaðila í menningartengdri ferðaþjónustu (ECTN) í síðustu viku en árlega veita samtökin veita viðurkenningar í nokkrum flokkum og hlaut Selasetrið verðlaunin ásamt Batana-umhverfisssafninu í Króatíu í flokki óáþreifanlegrar arfleifðar.
Í Morgunblaðinu í dag er haft eftir Sigurði Líndal Þórissyni, framkvæmdastjóri Selasetursins, að viðurkenning sem þessi skipti miklu máli fyrir starfsemina og starfsmenn séu stoltir af þessum árangri. „Raunverulega snýst viðurkenningin ekki síst um þá hugmynd heimafólks að setja á stofn selasetur. Starfsemin er rekin í þágu samfélagsins á svæðinu og í þágu vísindanna og við höfum ávinning samfélagsins að leiðarljósi,“ segir Sigurður í frétt um verðlaunaveitinguna.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.