Sérstakur húsnæðisstuðningur vegna námsmanna
Húnaþing vestra minnir á á vefsíðu sinni: hunathing.is, sérstakan húsnæðisstuðning sem ætlaður er að auðvelda námsmönnum á framhaldsskólastigi og fjölskyldum þeirra að mæta húsnæðiskostnaði.
Stuðningurinn skiptist í tvo flokka:
- Foreldrar/forsjáraðilar 15–17 ára barna:
Stuðningur vegna barna með lögheimili í Húnaþingi vestra sem stunda nám í framhaldsskóla og búa á heimavist eða á námsgörðum.
- Námsmenn 18–20 ára:
Stuðningur við námsmenn á framhaldsskólastigi sem leigja herbergi á almennum markaði, enda hafi umsókn þeirra um heimavist eða búsetu á námsgörðum verið hafnað.
Umsóknir og frekari upplýsingar:
Umsóknarferli: Sótt er um rafrænt í gegnum Íbúagátt Húnaþings vestra.
Fylgiskjöl: Með umsókn þarf að fylgja staðfesting frá skóla ásamt húsaleigusamningi.
Námsmenn 18 ára og eldri og aðrir leigjendur: Einstaklingar og fjölskyldur í leiguhúsnæði, þ.m.t. námsmenn 18 ára og eldri, eru einnig hvattir til að kanna rétt sinn til almennra húsnæðisbóta hjá Húsnæðis- og mannvirkjastofnun (www.hms.is) og sérstaks húsnæðisstuðnings hjá Húnaþingi vestra.
Reglur um sérstakan húsnæðisstuðning í heild sinni má finna á heimasíðu sveitarfélagsins. Nánari upplýsingar og aðstoð veitir Henrike Wappler, félagsráðgjafi í síma 455-2400 eða á netfanginu henrike@hunathing.is.
Feykir hvetur námsmenn í Húnaþingi og forsjáraðila þeirra að kynna sér hvað er í boði. /hmj
Fleiri fréttir
-
Af hverju verkalýðshreyfingin á að styðja ESB-viðræður | Gylfi Þór Gíslason skrifar
feykir.is Skagafjörður, Aðsendar greinar 26.08.2026 kl. 13.20Verkalýðshreyfingin á að styðja aðildarviðræður Íslands við Evrópusambandið – ekki vegna þess að niðurstaðan sé fyrirfram ákveðin, heldur vegna þess að íslenskt launafólk á rétt á því að sjá hvaða möguleikar felast í aðild og semja um hagsmuni sína við borðið. Verkalýðshreyfingin hefur aldrei verið hrædd við breytingar. Hún hefur hins vegar alltaf spurt sömu grundvallarspurningarinnar: Hvað þýðir þetta fyrir kjör fólksins sem við erum að verja? Þess vegna eigum við að styðja að nýjar aðildarviðræður við Evrópusambandið hefjist. Við eigum að vera við borðið, Ísland er þegar hluti af innri markaði Evrópu í gegnum EES-samninginn.Meira -
Sigfús Ingi ráðinn rekstrarstjóri Háskóla Íslands á Hólum
feykir.is Skagafjörður, Lokað efni 26.08.2026 kl. 10.30Sigfús Ingi Sigfússon, fyrrverandi sveitarstjóri Skagafjarðar, hefur verið ráðinn rekstrarstjóri Háskóla Íslands á Hólum og hóf hann störf 17. ágúst sl. Í starfi rekstrarstjóra mun Sigfús Ingi bera ábyrgð á rekstri og stoðþjónustu Háskóla Íslands á Hólum og taka þátt í áframhaldandi uppbyggingu starfseminnar í samstarfi við starfsfólk skólans og Háskóla Íslands.Meira -
Íslenskir peningar með skilyrðum frá Brussel? | Erna Bjarnadóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.08.2026 kl. 09.13Ísland er eitt ríkasta land Evrópu. Samkvæmt Eurostat var landsframleiðsla á mann hér á landi árið 2025, leiðrétt fyrir verðlagi, 28% yfir meðaltali ESB. Alþingi fer með skattlagningar- og fjárveitingarvaldið en ríkisstjórnin leggur fram frumvarp til fjárlaga. Vilji Alþingi verja meiri fjármunum til atvinnuuppbyggingar, innviða og byggðaþróunar um land allt hefur það fulla heimild til þess. Til þess þarf hvorki ESB-aðild né leyfi frá Brussel.Meira -
Flösku- og dósasöfnun á Króknum í dag
feykir.is Skagafjörður 26.08.2026 kl. 08.53Þeir sem hafa safnað flöskum og dósum i sumar, og vilja gjarnan losna við herlegheitin fyrr en síðar, geta nú tekið gleði sína því seinni partinn í dag munu ungir iðkendur frá knattspyrnudeild Tindastóls ganga hús úr húsi til að safna flöskum og dósum.Meira
