Sexan stuttmyndakeppni Neyðarlínunnar
feykir.is
Skagafjörður, Austur-Húnavatnssýsla, Vestur-Húnavatnssýsla, Fréttir
10.01.2024
kl. 09.38
Stuttmyndakeppni Neyðarlínunnar.MYND FACEBOOK
Þann 8.janúar var opnað fyrir innsendingar í Sexuna, stuttmyndakeppni fyrir nemendur í 7.bekk á landsvísu.
Sexan er fræðsluverkefni Neyðarlínunnar og samstarfsaðila sem ætla er að fræða ungt fólk um birtingarmyndir stafræns ofbeldis. Viðfangsefni stuttmyndanna er tæling, nektarmynd, samþykki eða slagsmál ungmenna. Formaður dómnefndar Sexunnar 2024 er kvikmyndaleikstjórinn Baldvin Z.
Nánari upplýsingar má finna á vef okkar, 112.is/sexan en þar er tekið á móti innsendingum frá 8. til og með 28. janúar 2024.
Við hvetjum ykkur til að segja ungmennum í ykkar nærumhverfi frá keppninni og festa þannig Sexunna í sessi sem árlegan, skapandi vettang til að takast á stafrænt ofbeldi á meðal ungmenna.
Fleiri fréttir
-
Ágæt frammistaða en engin stig til Stólastúlkna
feykir.is Skagafjörður, Íþróttir 27.04.2024 kl. 19.03Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.Meira -
Lið Aþenu gerði Stólastúlkum grikk
feykir.is Skagafjörður, Íþróttir 27.04.2024 kl. 15.31Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.Meira -
Sæluvikan sett á sunnudag í Safnahúsi Skagfirðinga
feykir.is Skagafjörður, Listir og menning 27.04.2024 kl. 15.10Sæluvika Skagfirðinga hefst formlega í Safnahúsinu á Sauðárkróki sunnudaginn 28. apríl kl. 13:00. Á heimasíðu Sæluvikunnar segir að kaffi og terta verði í boði fyrir gesti og því ekki vit í öðru en að skella sér í skárri fötin og mæta í hátíðarskapi í Safnahúsið þar sem við sama tækifæri verður opnuð ljósmyndasýning með myndum úr safni Stefáns Pedersen.Meira -
Munum Stóra plokkdaginn
feykir.is Skagafjörður, Mannlíf 27.04.2024 kl. 13.34Stóri plokkdagurinn er nú á morgun, sunnudaginn 28. apríl, en hann var fyrst haldinn árið 2018. Um er að ræða flott samfélagsverkefni þar sem allir geta látið gott af sér leiða með því að fegra og hreinsa umhverfið í kringum sig.Meira -
Leikstjórinn fullur tilhlökkunar fyrir frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 27.04.2024 kl. 13.00Sunnudaginn 28.apríl nk. frumsýnir Leikfélag Sauðárkróks Litlu hryllingsbúðina. „Sívinsælt verk sem sem fólk þreytist seint á að koma í leikhús til að upplifa,“ segir Valgeir Skagfjörð sem leikstýrir verkinu. Feykir heyrði hljóðið í leikstjóranum sem er sagðist vera sultuslakur fyrir frumsýningunni og fullur tilhlökkunar að leyfa áhorfendum að njóta sýningarinnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.