Sjónlag opnar fjarlækningastöð á Akureyri
Augnlækningastöðin Sjónlag í Reykjavík opnaði í síðustu viku fjarlækningastöð í húsakynnum Læknastofa Akureyrar á Glerártorgi. Í frétt á Akureyri.net segir að ekki sé um hefðbundna augnlæknastofu að ræða heldur verði þar að mestu fylgst með fólki með ákveðna sjúkdóma eftir tilvísun frá augnlæknum. Augu sjúklinga verða mynduð á stöðinni og lesið úr myndunum í Reykjavík. Þetta ætti að draga úr kostnaði sjúklinga og samfélagsins og spara sjúklingum hér nyrðra tíma og fyrirhöfn.
Augnlæknar heimsóttu HSN á Sauðárkróki reglulega hér áður fyrr en eftir að Ólafur R. Guðmundsson lagði læknatöskuna á hilluna þá hefur sú þjónusta ekki verið í boði. Þeir sem þurfa á augnlæknum að halda þurfa því að leita norður á Akureyri eða oftar en ekki á höfuðborgarsvæðið.
Akureyri.net hefur eftir Ólafi Má Björnssyni, augnlækni hjá Sjónlagi, að mikið sé um að fólk utan af landi komi í reglulegt eftirlit hjá augnlæknum á höfuðborgarsvæðinu. „Með þessum hætti er hægt að spara fólki sporin, ekki síst hér á Akureyri þar sem bara einn augnlæknir er með ansi stórt svæði og við teljum okkur því geta létt undir með því að koma þessum tækjum fyrir hérna,“ segir Ólafur og bætir við að ferðakostnaður fólks úti á landi, sem ríkið endurgreiðir, hlaupi á tugum ef ekki hundruðum milljóna á ári,
Það segir þó fjarri því alla söguna því kostnaðurinn er mun meiri en það sem ríkið greiðir til baka. „Stór hluti af þessu fólki er aldraður og það getur verið stórmál að fara suður, fólkið þarf jafnvel aðstandanda til að fara með sér sem hefur aukinn kostnað í för með sér vegna ferðalagsins og vinnutaps,“ segir Jóhann Ragnar Guðmundsson, kollegi Ólafs hjá Sjónlagi.
Þeir Sjónlagsfélagar leggja áherslu á að starfsstöðin á Akureyri sé ekki venjuleg augnlæknastofa þar sem fólk geti pantað sér tíma til að fara í sjónmælingu eða gangi út með resept fyrir gleraugum. „Það má segja að hér sé hluti af okkar vinnu tekinn út fyrir sviga; eftirlit með ákveðnum þekktum augnsjúkdómum, sykursýki, kölkun í augnbotnum og gláku, svo ég nefni dæmi,“ sagði Ólafur Már. Ekki er að efa að Norðlendingar taki þessari auknu þjónustu fagnandi.
Sjá nánar í frétt á Akureyri.net >
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.