Nýr kafli í sögu Hóla | 26 nemendur brautskráðir frá HÍ á Hólum

feykir.is Skagafjörður, Aðsendar greinar 13.10.2026 kl. 14.16
Brautskráningarnemar og fulltrúar skólans. MYND AÐSEND
Brautskráningarnemar og fulltrúar skólans. MYND AÐSEND
Það var hátíðleg stund á Hólum í Hjaltadal föstudaginn 9. október sl. þegar 26 nemendur luku námi frá Háskóla Íslands á Hólum. Dagurinn var sérstakur bæði fyrir nemendur og skólann, því þetta var fyrsti hópurinn sem útskrifaðist undir nýju nafni skólans og fyrsti nemendahópurinn sem útskrifast frá háskólasamstæðu Háskóla Íslands.
 
Á Hólum hefur skólastarf verið stundað í meira en níu aldir og staðurinn á sér ríka sögu sem mennta- og fræðasetur. Brautskráningin 9. október markaði því nýjan kafla í þessari löngu sögu skólans. Eins og flestum er kunnugt er Háskólinn á Hólum nú aðildarháskóli í háskólasamstæðu Háskóla Íslands og ber nafnið Háskóli Íslands á Hólum.
 
Við athöfnina komu saman útskriftarnemar, aðstandendur og starfsfólk til að fagna áfanganum og þeim tækifærum sem bíða þeirra að námi loknu. Í ávarpi sínu lagði Hólmfríður Sveinsdóttir, forseti HÍ á Hólum, áherslu á að útskriftarnemarnir ættu sérstakan sess í sögu skólans. Þau væru fyrsti hópurinn sem útskrifaðist frá Háskóla Íslands á Hólum og því hluti af mikilvægum breytingum í skólastarfinu.
 
Hún minnti jafnframt á að þótt margt hefði breyst stæði mikilvægt hlutverk skólans óhaggað. Háskóli Íslands á Hólum myndi áfram leggja áherslu á sérhæft nám og rannsóknir og miðla þekkingu sem nýtist samfélagi og atvinnulífi, ekki síst á landsbyggðinni.

Áfanga fagnað og horft til framtíðar

Sautján nemendur luku diplómanámi í fiskeldisfræði, ferðamálafræði og viðburðastjórnun. Í hópi útskriftarnemendanna voru einnig níu nemendur í alþjóðlega meistaranáminu MAR-BIO, sem höfðu stundað hluta náms síns á Hólum. Þau höfðu áður lokið námi við samstarfsháskóla í Svíþjóð og Noregi en luku einnig námi sínu við Háskóla Íslands á Hólum.
 
Hekla Sól Hafsteinsdóttir, sem lauk diplómanámi í viðburðastjórnun, hlaut viðurkenningu fyrir framúrskarandi námsárangur. Hún flutti jafnframt ávarp fyrir hönd nemenda og deildi þannig með viðstöddum sjónarhorni útskriftarnema á þennan merka dag.
 
Háskóli Íslands á Hólum óskar öllum útskriftarnemendum innilega til hamingju með áfangann. Háskóli Íslands á Hólum óskar Heklu Sól jafnframt inntil hamingju með framangreinda viðurkenningu og góðan námsárangur.

Hólastaður horfir fram á veginn

Í ræðu forsetans kom fram að saga skólastarfs á Hólum nær aftur til ársins 1106. Sú langa hefð er mikilvægur hluti af sérstöðu staðarins, en framtíðin byggir jafnframt á þekkingu, rannsóknum og fólkinu sem stundar nám og störf þar í dag.
 
Brautskráningin var því bæði persónulegur áfangi fyrir nemendurna og söguleg stund fyrir Hóla og nærsamfélagið. Fyrsti útskriftarhópur Háskóla Íslands á Hólum heldur nú út í næsta kafla lífsins með þekkingu og reynslu úr námi sínu og mun ávallt eiga sinn stað í sögu skólans.
/fréttatilkynning

 

Til baka

Fleiri fréttir

  • Snældan er til húsa í eldri hluta sjúkrahússins á Hvammstanga. Mynd: Aðsend.

    Heimsókn í Snælduna - samþætta heimaþjónustu

    feykir.is Vestur-Húnavatnssýsla, Mannlíf, Lokað efni 13.10.2026 kl. 14.00 hinrik@feykir.is
    Á dögunum komu fulltrúar félagsmálaráðuneytisins sem halda utan um verkefnið Gott að eldast í heimsókn í Snælduna heimaþjónustu á Hvammstanga. Aðgerðaáætlunin Gott að eldast var samþykkt á Alþingi í maí árið 2023 og tekur til 19 aðgerða sem á að vera búið að ljúka í árslok 2027. Aðgerðirnar eru mismunandi, sumar ívið umfangsmeiri en aðrar en allar eiga það sameiginlegt að stuðla að bættum lífsgæðum eldra fólks. Sex heilbrigðisumdæmi og tuttugu og tvö sveitarfélög taka þátt í verkefninu.
    Meira
  • Úr sveitinni. MYND: ÓAB

    Skagafjörður og Húnaþing vestra stofnaðilar að Samtökum landbúnaðarsveitarfélaga

    feykir.is Skagafjörður, Vestur-Húnavatnssýsla, Lokað efni 13.10.2026 kl. 13.31 oli@feykir.is
    Á fundi byggðarráðs Skagafjarðar þann 5. október síðastliðinn var samþykkt samhljóða að sveitarfélagið Skagafjörður gerðist aðili að Samtökum landbúnaðarsveitarfélaga. Fyrir fundinum lá boð á stofnfund samtakanna sem fram fór tveimur dögum síðar á Hilton í Reykjavík en 26 sveitarfélög tóku þátt í stofnun samtakanna. Var sveitarstjóra falið að sitja fundinn fyrir hönd Skagafjarðar og fara með fullt og ótakmarkað umboð sveitarfélagsins á fundinum.
    Meira

  • Ólseigir Grindvíkingar of stór biti fyrir Stólastúlkur

    feykir.is Skagafjörður, Íþróttir, Lokað efni 13.10.2026 kl. 10.18 oli@feykir.is
    „Við mættum liði Grindavíkur sem er líklega sterkasta lið deildarinnar í vetur,“ sagði Israel Martín í morgun þegar Feykir spurði hann út í leik Tindastóls og Grindavíkur sem fram fór í gærkvöldi. Liðin voru á toppi deiildarinnar þegar leikurinn hófst (að loknum tveimur umferðum) en Grindavíkurliðið reyndist allt of stór biti fyrir Stólastúlkur í þetta skiptið og létu lið Tindastóls líta illa út á löngum köflum í leiknum. Lokatölur 62-84
    Meira
  • Spákort kl:6 á fimmtudaginn. Mynd: vedur.is

    Tilkynning frá lögreglunni á Norðurlandi vestra !!

    feykir.is Skagafjörður, Austur-Húnavatnssýsla, Vestur-Húnavatnssýsla 13.10.2026 kl. 08.40 hinrik@feykir.is
    Varað er við slæmu veðri á Norðurlandi vestra sem og víðast hvar á landinu nk.miðvikudag. Veðurstofan hefur gefið út appelsínugula veðurviðvörun fyrir Vestfirði og Norðurland vestra síðla dags og fram á fimmtudagsmorgun. Reikna má með töluverðri ofankomu og ófærð og þá sérstaklega á fjallvegum. Skýrist betur á morgun en eins og er lítur þetta ekkert spennandi út. Ferðalangar eru beðnir að flýta sínum ferðum eða bíða þar til þetta gengur yfir.
    Meira
Yfirlit frétta