Skúnaskrall – Öll saman
Barnamenningarhátíð Norðurlands vestra öðru nafni Skúnaskrall hófst í dag og verður mikið um dýrðir. Hátíðin er samstarfsverkefni allra sveitarfélaganna í landshlutanum og eitt af áhersluverkefnum SSNV. Hún hlaut veglegan styrk úr Barnamenningarsjóði og nýtur auk þess stuðnings Samfélagssjóðs Landsvirkjunar.
Meðal viðburða má nefna:
Páll Óskar heimsækir alla grunnskóla landshlutans og syngur fyrir nemendur. Páll er einmitt í Skagafirði í dag og hefur ferðast milli skóla og meðal annars flutt og sagt frá tilurð lagsins, Eitt af Blómunum, sem má segja að sé orðinn hálfgerður þjóðsöngur.
Hrekkjavökuball á Hofsósi fyrir unglingastig allra sex grunnskólanna, í umsjón félagsmiðstöðvarinnar Friðar. Þar koma fram Spritezeroclan og Úlfur Úlfur.
Hrekkjavökuball á Blönduósi fyrir miðstig allra grunnskólanna sex. Á ballinu, sem er í umsjón félagsmiðstöðvarinnar Skjólsins, munu DJ Sakki og Partývélin halda uppi stuðinu.
Stuttmyndir frá UngRIFF í leik- og grunnskólum.
Umskiptingar sýna leikritið um Fóu og Fóu feykirófu.
Einnig verða í boði bæði dans- og leiklistarnámskeið, ritunar- og sköpunarsmiðjur, myndlistarsýningar og námskeið í Fab Lab, auk þess sem mikið verður um að vera á bókasöfnum svæðisins, svo nokkur dæmi séu tekin.
Nánari upplýsingar munu birtast jafnt og þétt á skunaskrall.is. Rétt er að benda á að skráning er nauðsynleg á suma viðburðina vegna fjöldatakmarkana.
Eru íbúar landshlutans hvattir til að fylgjast vel með og vera duglegir að nýta sér þá viðburði sem opnir eru öllum. /hmj
Fleiri fréttir
-
Spennandi leikir framundan í VÍS bikarnum
feykir.is Skagafjörður, Íþróttir, Lokað efni 21.10.2026 kl. 15.49Í gær var dregið í 16-liða úrslit VÍS bikarsins í körfunni í Íþróttamiðstöðinni í Laugardal en dregið var í beinni útsendingu á FB síðu KKÍ. Bæði meistaraflokkslið Tindastóls voru í pottinum og fengu strákarnir heimaleik gegn Stjörnunni en stelpurnar þurfa að sækja lið Hauka heim í Hafnarfjörðinn.Meira -
Börnin í Varmahlíðarskóla mynduðu bleika slaufu
feykir.is Skagafjörður, Mannlíf, Lokað efni 21.10.2026 kl. 15.20Dags bleiku slaufunnar er minnst með ýmsum hætti í dag. Skemmtileg uppákoma var í Varmahlíðarskóla í morgun þegar leik-grunn og tónlistarskólabörn mynduðu bleika slaufu sem síðan var mynduð úr lofti.Meira -
Í tilefni Bleika dagsins | Stefanía Hjördís Leifsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.10.2026 kl. 11.40Í Bleikum október langar mig að minna á mikilvægi þess að fara í reglulega skimun, fylgjast með breytingum á líkamanum og hlusta á eigið innsæi ef maður hefur á tilfinningunnini að eitthvað sé að. Í mínu tilfelli fann ég ekki hnút í brjóstinu heldur verk, ekki var talin þörf á nánari rannsókn og hálft ár leið þar til krabbameinið kom í ljós við hefðbundna skimum. Einskær heppni var að krabbameinið var ekki búið að dreifa sér. Þar getur skilið milli feigs og ófeigs.Meira -
Starfsfólk Ráðhússins tekið til starfa í Félagsheimili Hvammstanga
feykir.is Vestur-Húnavatnssýsla 21.10.2026 kl. 11.27Líkt og komið hefur fram í Feyki þá var nýlega ákveðið að flytja starfsemi Ráðhúss Húnaþings vestra tímabundið í Félagsheimilið Hvammstanga þar sem loftgæði í húsinu töldust óviðunandi. Starfsemi Ráðhúss hefur nú þegar opnað á neðri hæð í neðri hæð. Gengið er inn um vestur inngang (Samstöðugangurinn).Meira
