Styrkir úr Húnasjóði afhentir
Nýverið fór fram afhending styrkja úr Húnasjóði á kaffihúsinu Hlöðunni á Hvammstanga. Fimm fengu styrk úr sjóðnum að þessu sinni en sjóðurinn hefur þann tilgang að stuðla að endurmenntun og fagmenntun í Húnaþingi vestra og er veittur til háskólanema og þeirra sem stunda fagnám til starfsréttinda og eru ekki á samningi við vinnuveitanda í starfsgrein sinni. Það var Þorleifur Karl Eggertsson, oddviti sveitarstjórnar Húnaþings vestra afhenti styrkina.
Styrkþegarnir fengu hver um sig 100.000 krónur í sinn hlut. Þeir eru:
Helga Rún Jóhannsdóttir, nám til sveinsprófs í bakaraiðn.
Freydís Jóna Guðjónsdóttir, nám til BS prófs í sálfræði.
Anna Dröfn Daníelsdóttir, nám til MA prófs í læknisfræði.
Jóhanna Herdís Sævarsdóttir, nám til BS prófs í sjúkraþjálfun.
Anton Birgisson, diplómanám í íþróttasálfræði.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.