Tónlistarskóli Húnaþings vestra fagnar 50 ára afmæli
Tónlistarskóli Húnaþings vestra fagnaði 50 ára afmæli sínu síðastliðinn laugardag með dagskrá og veglegri veislu að hætti Húsfreyjanna á Vatnsnesi. Samkoman var haldin í Félagsheimilinu á Hvammstanga.
Upphafið að stofnun skólans má rekja til þess er Steingrímur Sigfússon, sem ættaður var frá Kolbeinsá í Hrútafirði, kom í Húnaþing vestra árið 1968 til að æfa bændakór sem koma átti fram á bændahátíð í Víðihlíð það ár en einnig æfði hann kvennakór meðan hann dvaldi þar. Steingrímur dvaldi hjá hjónunum Ingibjörgu Pálsdóttur og Sigurði Eiríkssyni á Hvammstanga og veitti hann því athygli hve margt hæfileikaríkt tónlistarfólk byggði svæðið og ræddi hann hugmynd sína að stofnun tónlistarskóla við Ingibjörgu. Fór hún af stað og fékk til liðs við sig oddvita allra sveitarfélaganna sjö í sýslunni sem sameinuðust um stofnun skólans árið 1969.
Frá upphafi hafa fimm skólastjórar starfað við skólann, þau Eyjólfur Ólafsson, Einar Logi Einarsson, Guðjón Pálsson, Elínborg Sigurgeirsdóttir og Louise Price sem tók við starfinu nú í haust af Elínborgu sem verið hafði skólastjóri í 35 ár.
Ingibjörg Pálsdóttir, sem eins og áður segir var einn af aðalhvatamönnunum að stofnun skólans, barðist meðal annars fyrir því að skólinn eignaðist sitt eigið húsnæði sem varð árið 1984 þegar sveitarfélögin keyptu húsið Sólland sem hýst hefur starfsemi skólans síðan þá. Nú er í smíðum viðbygging við Grunnskóla Húnaþings vestra en þangað mun tónlistarskólinn flytja eftir tvö ár og verður hann þá í fyrsta skipti til húsa í sérhönnuðuð húsnæði sem lagað er að þörfum skólans og nemendanna sem hann sækja.
Margir kennarar hafa kennt við skólann en þó lengst allra, auk Elínborgar, Ólöf Pálsdóttir frá Bessastöðum en hún er einmitt systir Ingibjargar Pálsdóttur. Var þeim öllum færður þakklætisvottur fyrir framlag þeirra til skólans.
Sveitarstjórn Húnaþings vestra skipaði nefnd til að sjá um undirbúning og framkvæmd afmælishátíðarinnar. Í henni sátu Jóhann Albertsson, Elín Lilja Gunnarsdóttir og Louise Price. Voru þeim, ásamt öllum þeim sem að undir undirbúningi og framkvæmd hátíðarinnar komu sem og þeim sem heiðruðu skólann með tónlistaratriðum, færðar þakkir fyrir þeirra framlag til afmælishátíðarinnar.
Á heimasíðu Húnaþings vestra má sjá myndir frá afmælishátíðinni og lesa nánar um dagskrána.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.